TOShKENT, 10 fev — Sputnik, Olga Denisova. BMT Xavfsizlik kengashi terrorchilar ega moliyaviy manbalarga qarshi kurash yuzasidan qabul qilgan rezolyutsiyaga qaramay, “Islom davlati” neft savdosi bilan shug‘ullanishda davom etmoqda. Neft savdosidan tushadigan mablag‘lar terrorchilar qo‘lga kiritadigan daromadning asosiy qismini tashkil qiladi, deb ta’kidladi BMT Bosh kotibining siyosiy masalalar bo‘yicha o‘rinbosari Jeffri Feltman, RIA Novosti xabari asosida.
" Asosiy daromad manbai — bu zo‘ravonlik bilan egallab olingan hududlardagi neft va boshqa resurslardan foydalanish, “soliqlar”, arxeologiya ishlari o‘tkaziladigan joylarni talon-taroj qilish, tashqaridan keladigan xayriya pullari, garovga olinganlar uchun to‘lanadigan to‘lovlardir. Shuningdek, internet va ijtimoiy tarmoqlar yordamida to‘planadigan mablag‘lar ham terrorchilar daromad manbaining bir qismini tashkil etmoqda”, — deb ta’kidladi Butunjahon tashkiloti rahbari o‘rinbosari.
BMT Bosh kotibi sal oldin 2015-yilda “ID” neft va neft mahsulotlari savdosidan 500 million dollar daromad olgani haqida bayonot bergan edi.
Shundan so‘ng, ya’ni 17-dekabr kuni BMT Xavfsizlik kengashi tomonidan barcha davlatlarga terrorchilar moliyaviy manbalariga qarshi kurashish majbur iyatini yuklovchi rezolyutsiya qabul qilindi. Rezolyutsiyaga ko‘ra, bundan buyog‘iga BMTga a’zo mamlakatlar Xavfsizlik kengashi “qora” ro‘yxatiga kiritiladigan shaxs va tashkilotlar aktivlarini “muzlatishi", ularga mamlakatga kirish va tranzitni ta’kiqlashi, shuningdek, qurol-yarog‘ yetkazib berilishi oldini olishi lozim.
