Iqtisod

"Za rulem" eksperti: gazda yuruvchi avtomobillar ishlab chiqarish - zamonaviy trend

© Sputnik / Maksim Bogodvid / Fotobankka oʻtishGBU oʻrnatilgan yuk avtomobili
GBU oʻrnatilgan yuk avtomobili - Sputnik Oʻzbekiston
“Za rulem” gazetasi bosh redaktori oʻrinbosari Igor Mojarettoning fikriga koʻra, suyultirilgan gazda yuruvchi avtomobillar benzin yetishmovchiligi muammosini hal qilishi mumkin, shu bilan birga ular umuman xavfsiz.

TOSHKENT, 11 fev — Sputnik, Mariya Sheludyakova. Yaqin kunlar ichida GM Uzbekistan suyultirilgan gazda yuruvchi birinchi avtomobillarni ishlab chiqara boshlaydi. Bu albatta Oʻzbekiston avtosanoati uchun ijobiy qadam. Bu haqda “Za rulem” gazetasi bosh redaktori oʻrinbosari Igor Mojaretto Sputnikka oʻz fikrini bildirdi.

Suyultirilgan gazda yuruvchi avtomobillar ishlab chiqarish oxirgi yilarda dunyoda keng tarqalmoqda, chunki benzinga qaraganda bir necha bor arzon va ekologik jihatdan xavfsizdir.

“Ushbu trend hozir barcha mamlakatlarda kuzatilmoqda, hatto men uchun kutilmagan, AQShda ham. U yerda barcha kommunal va ijtimoiy transport gazga oʻtkazilmoqda. Bu benzin va dizelga qaraganda juda arzon, ekologik jihatdan ham afzal. Gʻarbiy Yevrpa davlatlarida ham ushbu yoʻnalish juda rivojlangan. Ayniqsa Skandinaviya mamlakatlarida. Rossiya ham bu masala bilan jiddiy shugʻullanmoqda”, — dedi avtoekspert. 

Ikki xil yonilgʻiga moslashgan Chevrolet Lacetti - Sputnik Oʻzbekiston
Iqtisod
GM Uzbekistan gaz ballonli Lacetti ishlab chiqarishni boshladi

Morjarettoning soʻzlariga qaraganda, bunday avtomobillar ishlab chiqarish, benzin taqchilligi dolzarb boʻlgan Oʻzbekiston uchun dono qarordir. Oʻn — oʻn besh yil avval Oʻzbekistonda gaz ballonlari bilan jihozlangan eski avtobuslar yurar edi, hozir boʻlsa vaziyat butunlay boshqacha. Shaharlarda zamonaviy, qulay va xavfsiz avtobuslar aholiga xizmat koʻsatmoqda.  

Ikki xil yonilgʻida ishlaydigan avtomobillar ishlab chiqarish bu Oʻzbekiston avtomobil sanoatining zamonaviy, tejamli va xavfsiz rivojlanish usulidir.

 

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala