Jamiyat

Poytaxt bozorlarida olib-sotarlarga qarshi kurash boshlanadi

Olib-sotarlarga qarshi kurash yanada samarali kechishi uchun, Toshkent bozorlariga fermerlar va xususiy tadbirkorlar jalb qilinishi kutilmoqda. Shuningdek, bozorlarda nazorat tarozilari soni ortishi kutilmoqda. Endilikda, xarid qilingan mahsulot ogʻirligini mustaqil tekshirib koʻrish mumkin boʻladi.

TOSHKENT, 17 fev — Sputnik. Poytaht rahbarlari olib-sotar va vijdonsiz sotuvchilarga qarshi kurash choralarini kuchaytirmoqda, deb xabar qildi Sputnik muxbiriga “Toshbozorsavdo” uyushmasidagi manba.

Eng avvalo poytaxt bozorlariga fermerlar va qishloq xoʻjaligi mahsulotlarini yetishtiruvchi xususiy tadbirkorlar jalb qilinishi rejalashtirilgan. Dehqonlarga bozorlardan eng yaxshi joylar ajratilishi hamda mahsulot bozorgacha muammosiz yetkazib kelinishi uchun barcha shart-sharoitlar yaratib berilishi kutilmoqda.

"Bu amaliyot ikki yil ichida goʻsht, baliq va parranda goʻshti savdosi segmentlarida oʻzini toʻliq oqladi. Shu asnoda, fermerlar, shu paytgacha 604 tonna baliq, 9 tonna goʻsht, 488 million dona tuxumni xaridorlarga past narxlarda realizatsiya qilishga muvaffaq boʻldilar. Bu koʻrsatkichlar kelgusi yillarda ancha ortishi kutilmoqda", — deb xabar qildi manba.
Sotuvchilar savdo normalariga amal qilishlarini nazorat qilish maqsadida, "Toshbozorsavdo" uyushmasi bozorlarda 2,3 ming dona nazorat tarozilarini oʻrnatdi. Ular yordamida xaridorlar xarid qilgan mahsulotlarini mustaqil oʻlchab koʻrishlari mumkin.

Eslatib oʻtamiz, sotib olingan mahsulotingiz nazorat tarozisida kam chiqqudek boʻlsa, Oʻzbekiston Isteʼmolchilar huquqlarini himoya qilish jamiyatlari Federatsiyasiga shikoyat xati bilan murojaat qilishingiz yoki uning “ishonch telefoni”ga qoʻngʻiroq qilib xabar berishingiz lozim.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala