TOShKENT, 17 fev — Sputnik. Yaponiyaning Uniqlo kompaniyasi dizayner Xana Tadzima bilan birgalikda hijob va kundalik kiyimlar kolleksiyasini ishlab chiqardi, Vogue xabari asosida.
Birinchi o‘rinda musulmon ayollari uchun mo‘ljallangan ushubu kiyimlar AQSh va Buyuk Britaniyada sotuvga chiqariladi.
Uniqlo dunyoda o‘zining yuqori sifatli va narxi uncha balan bo‘lmagan kiyimlari bilan obro‘ qozongan. Uniqlo yangi xususiyatlarga ega bo‘lgan materiallar va kiyim-kechak sohasida nou-xau yaratish bilan ham mashhur.
2016 yil bahor-yoziga mo‘ljallangan kiyimlar kolleksiyasiga Hijob, Kebayi (yengi uzun va yoqasi yopiq bluzkalar) uzun yubkalar, vodolazkalar, tekis va keng shimlar, yengi uzun va yoqasi yopiq ko‘ylaklar, tunikalar, jinsi shimlar va kurtkalar kiradi.
Kolleksiyada kamtarona qora, oq, sarg‘ish, kulrang va ko‘k ranglar qatorida yorqin sariq, pushti, yashil va havorang kiyimlar ham bor.
Ushbu kolleksiya Xanna Tadzimaning shaxsiy didiga asoslanib yaratilgan. Liboslar allaqachon Janubiy Sharqiy Osiyo mamlakatlarida katta shuhrat qozondi.
