Yevropa Ittifoqi Shimoliy Koreyaga nisbatan qo‘shimcha sanksiyalarni e’lon qilmoqchi

Obuna bo‘lish
BMT Xavfsizlik kengashi Shimoliy Koreyaga nisbatan yangi sanksiyalarni ma’qulladi. Qabul qilingan rezolyutsiya, Shimoliy Koreyaga aviatsiya va raketa yoqilg‘ilari olib kirilishini ta’qiqlaydi. Shuningdek, mamlakat hududiga olib kirilayotgan va undan olib chiqilayotgan barcha yuklar tekshiruvdan o‘tkaziladi.

TOShKENT, 3 mar — Sputnik. BMT Xavfsizlik kengashi Koreya Xalq Demokratik Respublikasiga qarshi yangi sanksiyalar kiritilishini ma’qullaganidan keyin, YeI Pxenyanga qarshi qo‘shimcha sanksiyalar e’lon qilinishi mumkinligi haqida og‘iz ochdi, deb xabar qiladi RIA Novosti, Reyter ma’lumotiga tayangan holda.

Shimoliy Koreya televideniyesi diktori vodorod bombasi sinovdan o‘tkazilganligi haqida xabar qilmoqda. - Sputnik O‘zbekiston
Shimoliy Koreya vodorod bombasini sinovdan o‘tkazdi

Shimoliy Koreya yil boshida yadro bombasi va ballistik raketani sinovdan o‘tkazgan edi. Shundan so‘ng, BMT Xavfsizlik kengashi Pxenyanga qarshi yangi sanksiyalar e’lon qildi. 2270 raqamli rezolyutsiya uchun chorshanba kuni BMT Xavfsizlik kengashining barcha, 15ta a’zosi ovoz berdi.

Rezolyutsiyaga muvofiq, Shimoliy Koreyaga aviatsiya va raketa yoqilg‘ilari yetkazib berilishi ta’qiqlanadi, mamlakatga olib kirilayotgan va undan olib chiqilayotgan barcha yuklar nazoratdan o‘tkaziladi.

Hujjatga muvofiq, Shimoliy Koreyaga oddiy turdagi qurol-aslahalarni sotish ta’qiqlanadi; shuningdek, ko‘mir, temir, oltin, titan va boshqa kamob tabiiy minerallar eksporti hajmi ham sezilarli darajada cheklangan. Koreya Xalq Demokratik Respublikasidagi banklarga qarshi moliyaviy sanksiyalar kiritilmoqda.

Yangiliklar lentasi
0