Jamiyat

Toshkentda DAN xodimlari ayol haydovchilarga gul sovgʻa qilmoqda

© Sputnik / Anton Denisov / Fotobankka oʻtishDAN xodimlari ayol haydovchilarga gul sovgʻa qilmoqda
DAN xodimlari ayol haydovchilarga gul sovgʻa qilmoqda - Sputnik Oʻzbekiston
Toshkentda militsiya xodimlari ayol haydovchilarni toʻxtatib, hujjat tekshirish oʻrniga, bayram bilan tabriklab gullar sovgʻa qilmoqda.

TOSHKENT, 8 mar — Sputnik. Poytaxt militsiya xodimlari, Xalqaro xotin-qizlar bayrami munosobati bilan, avtomashinalarni toʻxtatib hujjat tekshirish oʻrniga ayol haydovchilarga gullar sovgʻa qilmoqda. Bu haqda facebookdagi Voditeli Tashkenta guruhi aʼzolari yozmoqda.

Maʼlum boʻlishicha, ushbu tadbir Toshkentning barcha tumanlarida boʻlib oʻtmoqda. Odamlar erta tongdan DAN xodimlari koʻp miqdorda gullar sotib olayotgani guvohi boʻlishgan.

 

“DAN xodimlari hamma joyda turishibdi. Men dokument axtarishga kirishsam, ular yoqimli soʻzlar bilan tabriklab gul berishdi. Shunday ekan bugun yoʻl qoidalarini buzsak ham boʻladi”, — deb yozgan guruh aʼzolaridan biri.    

“VT” guruhi aʼzolari ushbu tadbirni faol muhokama qilshdi. Koʻpchillik “odamning xursand qilish uchun koʻp narsa kerak emas” deyishdi. Toshkent militsiya xodimlari bugun yuzlab toshkentlik ayollarning kayfiyatini koʻtarishdi, ular bu kunni uzoq vaqt eslab qoladilar.

 

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala