Dunyoda

Ekspertlar: Yaponiya Markaziy Osiyoda oʻz taʼsirini kuchaytirishga urinyapti

© Sputnik / Tabыldы Kadыrbekov / Fotobankka oʻtishYaponiya Bosh vaziri Sindzo Abe va Qirgʻiziston prezidenti Almazbek Atambayev
Yaponiya Bosh vaziri Sindzo Abe va Qirgʻiziston prezidenti Almazbek Atambayev - Sputnik Oʻzbekiston
Shu bugun Yaponiya Markaziy Osiyo davlatlari, ayniqsa, Tojikiston uchun asosiy hamkorga aylangan. Ekspertlar fikriga koʻra, Yaponiya oʻzining bu harakati asnosida Xitoy bilan raqobat qilishga urinyapti.

TOSHKENT, 11 mar — Sputnik. Oxirgi paytlarda Yaponiya Markaziy Osiyo davlatlarida oʻz taʼsirini sezilarli darajada kuchaytirdi. Soʻnggi bir necha oy ichida yaponiyalik tadbirkorlar va Tojikiston hamda Qirgʻiziston hukumati oʻrtasida imzolangan bir qancha shov-shuvli loyihalar buning yaqqol dalilidir.

Toshkentda Yaponiya elchixonasida grantlarni topshirish tadbiri. - Sputnik Oʻzbekiston
Yaponiya 11 ta ijtimoiy loyiha uchun grantlar ajratdi

Gap faqatgina yirik bitimlar haqida bormayapti. Kichik loyihalar ham shular sirasiga kiradi. Misol tariqasida, Tojikiston dzyudo federatsiyasi rivoji uchun Yaponiya tomonidan 90 ming dollar ajratilishini olaylik. Albatta, bu xamir uchidan patir deganlaridek, bundan-da yirik loyihalar ham bor.

Chorshanba, 9 mart kuni, Yaponiyaning Tojikistondagi vaqtinchalik elchisi Takashi Kamada va BMTning narkotiklar va jinoyatchilikka qarshi kurashish boshqarmasining Markaziy Osiyodagi Mintaqaviy vakolatxonasi rahbari Ashita Mital “Xatlon viloyati chegarasini qoʻriqlashni kuchaytirish” loyihasi borasida nota imzolashdi.

Ushbu loyihani hayotga tatbiq etish uchun Yaponiya hukumati Tojikistonga 2,2 mlrd AQSH dollari ajratsa, Qirgʻiziston hukumati “Manas” xalqaro aeroporti texnik jihatdan taʼminlanishi uchun kun chiqar mamlakatdan 16 mln dollar oladigan boʻldi.

"Yaponiyani faqatgina Tojikiston qiziqtiradi, deb boʻlmaydi. Yaponlar uchun butun Markaziy Osiyo muhim ahamiyatga ega. Ular shu yerda tomir otmoqchi. Shunchaki, Tojikiston ushbu mintaqa markazi hisoblanadi. Bundan tashqari, Janubiy Xitoy dengizi borasida vujudga kelgan muammolar, yaʼni manfaatlar toʻqnashuvini ham inobatga olish kerak. Ayniqsa, Xitoy va Yaponiya oʻrtasidagi toʻqnashuvni. Endilikda bu ikki davlat Markaziy Osiyoda raqobatlashishga oʻtdi”, — deb taʼkidladi Sputnik Tojikistonga Geosiyosiy muammolar akademiyasi vitse-prezidenti Vladimir Anoxin.

Anoxinning soʻzlariga qaraganda, Yaponiya oʻz koʻmagi uchun Tojikiston hukumati va mintaqadagi boshqa davlatlardan maʼlum imtiyozlarga ega boʻlishi ehtimoli yoʻq emas. “Balki, Markaziy Osiyo mamlakatlari Yaponiyaga tabiiy qazilmalar konlariga yoʻl ochib berar”, — deya taxmin qildi ekspert.
Ammo Moskva Strategik baholash instituti prezidenti Aleksandr Konovalov Yaponiya hatti-harakatini geosiyosat sifatida baholanmasligi kerak, degan fikrni ilgari surmoqda.

"Bu Yaponiya uchun yaxshigina biznes. U katta bozorni egallab olmoqchi, xolos. Yaponiya yuqoritexnologiyaga oid kompaniyalarga boy, ular uchun yangi isteʼmolchilar havodek zarur, Xitoy tomondan boʻlayotgan raqobat esa Yaponiyani yashin tezligida qaror qabul qilishga majbur etmoqda", — taʼkidladi ekspert.

Eslatib oʻtamiz, Yaponiyaning Tojikistondagi vaqtinchalik elchisi Takashi Kamada kuni kecha Tokio va Dushanbe oʻrtasidagi doʻstona munosabatlar qay darajada muhimligini taʼkidlab, Yaponiya hukumati bundan keyin ham Tojikiston respublikasi aholisiga yaqindan qoʻllab-quvvatlashini maʼlum qildi.
Dushanbe shahrida oʻtkazilgan tadbirda Yaponiya hukumati Tojikistonga begʻaraz yordam dasturi asosida 6ta yangi loyihani amalga oshirish uchun 535 ming dollar moddiy yordam koʻrsatdi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala