Erdo‘g‘on BMT Xavfsizlik Kengashi tarkibidan doimiy a’zolarni yo‘qotishni taklif qildi

© AP Photo / Yasin Bulbul, Presidential Press Service, PoolTurkiya prezidenti Rajab Toyib Erdog‘on
Turkiya prezidenti Rajab Toyib Erdog‘on - Sputnik O‘zbekiston
Obuna bo‘lish
Turkiya prezidenti doimiy a’zolik tizimini yo‘qotish kerak, degan fikrda. Erdo‘g‘onning so‘zlariga qaraganda, Xavfsizlik Kengashi tarkibiga doimiy ravishda o‘zgarib turadigan 20 mamlakatni kiritish zarur.

TOShKENT, 22 mar — Sputnik. Turkiya prezidenti Rajab Toyib Erdo‘g‘on BMT Xavsizlik Kengashida islohotlar o‘tkazishga da’vat qilmoqda. Uning fikricha, Kengash tarkibidagi doimiy davlatlar yo‘q qilinib, doimiy ravishda o‘zgarib turadigan 20ta mamlakat kiritilishi lozim.

Anqaradagi terakt - Sputnik O‘zbekiston
Qurdlar vakili Erdo‘g‘onning ta’kididan hayratini yashirmadi

"Bu tizimni isloh qilish kerak. O‘zingiz o‘ylab ko‘ring: BMT Xavfsizlik Kengashi beshta doimiy va o‘nta doimiy bo‘lmagan a’zolarga ega. Ular o‘z vazifalarini yana ikki yil bajarishadi. BMT XK tarkibiga Rossiya, Buyuk Britaniya, Fransiya, AQSh, Xitoy kiradi. Afrika vakillari esa kiritilmagan. Janbuiy Amerikadan ham a’zolar yo‘q. Keyin diniy nuqtayi-nazardan olib qaralganda, doimiy davlatlar beshligida biron musulmon davlati yoki buddaviylar ham kiritilmagan. BMT XK tarkibida unga a’zo 196 mamlakat (BMTga a’zo mamlakatlar soni 193tani tashkil etadi, tahr.) navbatma-navbat namoyon bo‘lishlari kerak”, — deb ta’kidladi Erdo‘g‘on Istanbulda yoshlar uyushmalari faollari bilan uchrashuvi chog‘ida. Uning nutqidan Anadolu agentligi iqtibos keltiradi.

Erdo‘g‘onning so‘zlariga qaraganda, “BMT XK tarkibida doimiy yoki doimiy bo‘lmagan a’zolar bo‘lmasligi kerak”. "XK tarkibiga doimiy ravishda o‘zgarib turadigan 20 davlatni kiritish zarur”, — deb ta’kidladi Erdo‘g‘on.

Shuningdek, Turkiya prezidenti Asad Bashar hamon Suriyaga rahbarlik qilib kelayotgani uchun BMT Xavfsizlik Kengashini qattiq tanqid ostiga oldi. "Gap 500 ming begunoh insonlar qoni to‘kilgan Suriya haqida borapti. Asad ismli yovuz kishi terrorchi-davlatni yuzaga keltirdi. Aslida uni Gaagada sud qilish kerak edi, ammo xalqaro hamjamiyat hozircha bu qarorga o‘z roziligini bergani yo‘q", — ta’kidladi Erdo‘g‘on.

"Axir shunaqasi ham bo‘ladimi? BMT Xavfsizlik kengashi nima qilyapti, qayerga qarayapti?" — deb ta’kidladi u.

Erdo‘g‘on, shuningdek, “chegaralardagi suriyalik turkmanlarni yolg‘iz qoldirib qo‘ymasligini va ular uchun qo‘ldan kelgancha harakat qilishini aytdi".

Yangiliklar lentasi
0