Putin: terrorchilikka qarshi birlashib harakat qilishimiz kerak

© Sputnik / Aleksey Nikolskiy / Mediabankka o‘tishRossiya prezidenti V. Putin Finlyandiya prezidenti S. Niinistyo bilan uchrashdi
Rossiya prezidenti V. Putin Finlyandiya prezidenti S. Niinistyo bilan uchrashdi - Sputnik O‘zbekiston
Obuna bo‘lish
Rossiya prezidenti Vladimir Putin finlyandiyalik hamkasbi Sauli Niistyo bilan uchrashuvni halok bo‘lganlar oilasi va yaqinlariga chuqur hamdardlik bildirishdan boshladi.

TOShKENT, 22 mar — Sputnik. Hatti-harakatlarni birlashtirish orqaligina terrorchilikka qarshi samarali kurash olib borish mumkin, deb ta’kidladi Rossiya prezidenti Vladimir Putin finlyandiyalik hamkasbi Sauli Niinistyo bilan bo‘lgan uchrashuvda. Putin, shuningdek, Finlyandiya prezidenti bilan Brusselda amalga oshirilgan teraktlarni muhokama qilishini aytib o‘tdi, RIA Novosti xabariga ko‘ra.

Brussel aeroportidagi vaziyat - Sputnik O‘zbekiston
Brussel aeroportidan kadrlar

"Biz, avvalo, ikkiyoqlama munosabatlarni muhokama qilish uchun uchrashdik. Shunday bo‘lsa-da, hozirda Belgiyada yuz berayotgan hodisalarni inobatga olgan holda, o‘z nutqimni halok bo‘lganlar oilasi va yaqinlariga hamdardlik bildirishdan boshlamoqchiman”, — dedi Putin.

"Biz, terrorchilikka qarshi kurash muammolari haqida ko‘p muhokama qilganmiz. Terrorchilarga qarshi samarali kurash olib borish uchun, albatta, uyushib harakat qilish lozim. Bugun shu haqda gaplashamiz”, — deb ta’kidladi Rossiya prezidenti.

Brussel aeroportida seshanba kuni ertalab qatorasiga ikkita portlash sodir etildi. Ko‘p vaqt o‘tmay, Brusseldagi metro stansiyalarida ham qatorasiga ikkita terakt amalga oshirildi. So‘nggi ma’lumotlarga qaraganda, teraktlar oqibatida 34 kishi halok bo‘lgan, 150dan ziyod odamlar og‘ir tan jarohati olganlar.

Yangiliklar lentasi
0