Erdo‘g‘on terrorchilar Brusselga hujum uyushtirishi mumkinligi haqida ogohlantirgan

© Sputnik / Stringer / Mediabankka o‘tishBrusseldagi portlash
Brusseldagi portlash - Sputnik O‘zbekiston
Obuna bo‘lish
Erdo‘g‘onning so‘zlariga qaraganda, bombalar Brusselda yoki Yevropadagi istalgan shaharda portlashi mumkin. “Terrorchilik uyushmalariga qarshi ikkiyoqlama siyosat olib borayotgan Yevropadagi vijdonsiz, ikkiyuzlamachi davlatlar, ertami-kechmi terror “minasi”ni bosishlariga shubham yo‘q”, deb ta’kidladi u.

TOShKENT, 22 mar — Sputnik, Fedor Smirnov. Turkiya prezidenti Toyib Erdo‘g‘on, 18-mart kuni Chanaqqal’ada bo‘lib o‘tgan “Dardanel operatsiyasi” bir yilligiga bag‘ishlangan tantanali tadbirda nutq so‘zlar ekan, Brusselda sodir etilishi mumkin bo‘lgan teraktlar haqida gapirgan, RIA Novosti xabariga ko‘ra.

Turkiya prezidenti Brussel Qurdiston Ishchi partiyasiga nisbatan ikkiyoqlama siyosat olib borayotgani uchun, terrorchilar tomonidan bombardimon qilinishi mumkinligi haqida ta’kidlagan.

"Bu davlatlar o‘ta vijdonsiz va ikkiyuzlamachi, ular ikkiyoqlama siyosat olib boradi. Ularning harakatini minalangan maydondagi raqsga qiyoslayman: oyog‘ingiz qachon minani bosishini bilmaysiz, lekin bu sodir bo‘lishi muqarrar… Bombalar Brussel yoki Yevropaning boshqa bir shahrida portlamasligi uchun hech qanday sabab mavjud emas. Balki, Turkiyada minalashtirilgan avtomobillar portlashi siz uchun hech qanday ahamiyat kasb etmas, ammo bombalar sizning shahringizda portlay boshlagach, bu nimaligini his qilasiz. Ammo kech bo‘lgan bo‘ladi”, — deya ta’kidladi Erdo‘g‘on.

Brussel xalqaro aeroportidagi vaziyat - Sputnik O‘zbekiston
Brusselda ro‘y bergan portlashlar terakt deb tan olindi

Yakshanba kuni Anqaradagi Belgiya elchisi Turkiya TIVga chaqirtirildi. Elchiga Brusselda bo‘lib o‘tgan Qurdiston Ishchi partiyasi aksiyasi tufayli norozilik notasi topshirilgan edi.
Brussel aeroportida seshanba kuni ertalab ikkita portlash sodir etildi. Ko‘p vaqt o‘tmay, Brusseldagi metro stansiyalarida ham ikkita terakt amalga oshirildi. So‘nggi ma’lumotlarga qaraganda, portlashlar oqibatida 34 kishi halok bo‘lgan, 150dan ziyod odam jarohatlangan.

Yangiliklar lentasi
0