Jamiyat

Rossiya va Oʻzbekiston sobiq SSSRga oid moliyaviy daʼvolardan voz kechishdi

© Sputnik / Sergey Kuznetsov / Fotobankka oʻtishGʻalabaning 68 yilligiga bagʻishlangan miting
Gʻalabaning 68 yilligiga bagʻishlangan miting - Sputnik Oʻzbekiston
Tomonlar sobiq SSSR mulkini boʻlish va Oʻzbekistonga 1992-1993 yillarda berilgan kreditlar boʻyicha barcha oʻzaro daʼvolardan voz kechishdi. Imzolangan shartnomaga koʻra, Oʻzbekiston Rossiyaga 25 mln $ toʻlashi kerak, xolos.

TOSHKENT, 24 mar — Sputnik. Rossiya Davlat Dumasining MDH ishlari qoʻmitasi, parlamentning quyi palatasiga Rossiya va Oʻzbekiston hukumatlari orasidagi oʻzaro moliyaviy daʼvolar haqidagi kelishuvni ratifikatsiya qilish haqida qonun qabul qilishni maslahat berdi. Davlat Dumasida ushbu qonun 25 mart kuni muhokamaga chiqarilishi mumkin.

2014 yilning 10 dekabrida Toshkentda imzolangan Shartnoma Oʻzbekistonning 865 mln dollar qarzi oʻrniga Rossiyaga faqat 25 mln dollar toʻlashni koʻzda tutgan. Shu bilan bir vaqtda, Oʻzbekiston oʻzining sobiq SSSRning Olmoslar fondini boʻlish haqidagi talabidan voz kechadi.

Rossiya tomoni hisob-kitobiga koʻra, 2014 yilning 1 noyabrida Oʻzbekistonning Rossiyadan qarzi 889,3 million AQSH dollarni tashkil qildi. Undan asosiy qarz miqdori 500 mln dollar, protsentlar 388 mln dollar. Oʻzbekiston faqat uning bir qismini – 43 mln dollarini toʻlashni va sobiq SSSRning Olmos fondini boʻlib olishni taklif qilgan edi.

Muzokaralar davomida tomonlar sobiq SSSR moliyaviy munosobatlari va Oʻzbekistonga 1992-1993 yillarda berilgan kreditlar boʻyicha bir-biriga boʻlgan barcha daʼvolardan voz kechishdi. Shartnoma kuchga kirgan kundan boshlab, bir oy davomida Oʻzbekiston Rossiyaga faqat 25 mln $ toʻlashi kerak, xolos.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala