TOShKENT, 13 apr — Sputnik. O‘zbekiston fuqarosi osmono‘par bino — "Moskva-siti"dan yiqilib, halok bo‘lgan. Huquqni muhofaza qilish xodimlari fikriga ko‘ra, u o‘z joniga qasd qilgan bo‘lishi mumkin, deb xabar qildi chorshanba kuni Moskva shahri bo‘yicha Rossiya Tergov qo‘mitasi rahbarining katta yordamchisi Yuliya Ivanova.
Ivanovaning aniqlik kiritishicha, halok bo‘lgan o‘zbekistonlik 1994-yilda tug‘ilgan. Huquqni muhofaza qilish organidagi manba bergan ma’lumotga qaraganda, marhum svarkachi bo‘lib ishlagan.
"Erkakning halok bo‘lganligi yuzasidan Moskva markazida tergov oldi surishtiruv ishlari o‘tkazilmoqda", — dedi Ivanova.
