Dunyoda

Buyuk Britaniyada Obamaga “har ishga burun suqmaslikni” maslahat berishdi

Obuna boʻlish
NovostiTelegram
Buyuk Britaniyani Yevropa Ittifoqi tarkibidan chiqmaslikka chaqirgani uchun bir qator britaniyalik siyosatchilar Barak Obamani ikkiyuzlamachilikda ayblashdi. Ijtimoiy tarmoq foydalanuvchilari esa hatto, AQShni Britaniya imperiyasi saltanati tarkibiga qaytarishni taklif qilishmoqda.

TOSHKENT, 23 apr — Sputnik. Buyuk Britaniyada Barak Obamaning mamlakat Yevropa Ittifoqi tarkibida boʻlishi zarurligi haqidagi bayonotini qahr-gʻazab bilan kutib olishdi, deya xabar qiladi RIA Novosti.

Dunyoda
Kerri: AQSH Buyuk Britaniya YEI tarkibida qolishidan manfaatdor

Buyuk Britaniya Yevropa Ittifoqi tarkibidan chiqishi tarafdori boʻlganlar esa Barak Obamani tanqidlarga koʻmib tashlashdi. Shu jumladan, UKIP partiyasi yetakchisi Nayjel Faraj Reyter agentligiga Barak Obama "har bir ishga burun suqmasligi lozimligi” haqida gapirdi. "Bu zoʻravonlarcha suqilishdan boshqasi emas. U Vashingtondan chiqmasa, foydaliroq boʻlardi", — dedi siyostachi FoxNews telekanaliga.

London meri Boris Jonson esa The Sun nashriga Vashingtonning “ikkiyuzlamachiligi” haqida bayonot qilgan. Uning soʻzlariga koʻra, AQSH Britaniyani “demokratiyaning bir qismini oʻzgalar nazoratiga topshirishga chaqirmoqda”.

“Obama, aytganimni qil, qilganimni qilma” kabilida ish tutmoqda, deb taʼkidladi Jonson.

YEI aʼzo-mamlakatlar bayrogʻi - Sputnik Oʻzbekiston
Dunyoda
Yevropol rahbari Britaniya YEIdan chiqsa nima boʻlishini aytdi

CNN telekanali maʼlumotlariga koʻra, Obama, shuningdek, ijtimoiy tarmoq foydalanuvchilari nafratiga duchor boʻlgan. Ular AQSH prezidentini “chaqirilmagan maslahatchi”, deb atab, AQShni Britaniya imperiyasi tarkibiga qaytarish haqida taklif bildirganlar. Shuningdek, Britaniyaning YEI tarkibida qolishi tarafdorlari boʻlganlar ham Obamaning homiylarga xos ohangi ularga manzur boʻlmagani haqida gapirishgan.
Eslatib oʻtamiz, Buyuk Britaniyaning YEIga aʼzoligi masalasi yuzasidan referendum joriy yilning 23 iyun sanasida oʻtkazilishi rejalashtirilgan.

Yangiliklar lentasi
0