TOShKENT, 26 apr — Sputnik. Gollandiyaning eng ommabop nashrlaridan biri De Telegraaf Turkiyada o‘z hamkasblari hibsga olinishiga karikatura bilan javob qaytarishga qaror qilishdi.
Karikaturada Erdo‘g‘on Apen Rots “maymunlar qoyasi” tog‘i ustida turgan “Yevropa so‘z erkinligini poymol qilayotgan” maymun qiyofasida tasvirlangan.
Wel benieuwd of De Telegraaf vandaag ook in de Turkse krantenkiosken te koop is… #Erdogan pic.twitter.com/dPNZBqEmip
— Mike Muller (@_MikeMuller) 25 aprelya 2016 g.
Karikatura “Erdo‘g‘onning uzun qo‘li” deya nomlangan.
OAV vakillari hamda inson huquqlari bo‘yicha faollar Turkiyadagi so‘z erkinligi muammosiga ko‘plab marotaba e’tibor qaratishgan. Chunki, so‘nggi vaqtlarda, Turkiya prezidenti nafaqat o‘z yurtida, balki chet mamlakatlarda uni tanqid ostiga olayotganlarga qarshi kurashishga harakat qilib kelmoqda.
Jumladan, nemis jurnalisti va hajvchisi Yan Bemermanning ZDF telekanalida Erdo‘g‘on nomiga atab yozilgan hajviy she’ri keng jamoatchilikda qizg‘in muhokama uyg‘otgan edi.
Shundan so‘ng, Turkiya hukumati Germaniya hukumatiga norozilik notasini yo‘llab, ushbu voqea yuzasidan jinoiy ish qo‘zg‘atilishini talab qildi. Sal o‘tmay Germaniya kansleri Angela Merkel Bemerman ishi sudga oshirilishi haqida aytgach, bu mamlakatda katta janjal avj olishiga va federal kanslerning obro‘yi tushib ketishiga sabab bo‘ldi.
