Jamiyat

“Toshkent” aeroportining yangi terminali 4 yil ichida qurib bitkaziladi

Koreya xalqaro hamkorlik tashkiloti(KOICA) “Toshkent” aeroportining yangi loyihasini taqdim etdi. Ushbu loyiha 4 yil ichida hayotga tatbiq etiladi. Aeroport maydoni 2 barobarga, yoʻlovchilarga xizmat koʻrsatish bino maydoni esa 3 barobarga ortishi kutilmoqda.

TOSHKENT, 30 apr — Sputnik. Koreya xalqaro hamkorlik tashkiloti(KOICA) Oʻzbekiston hukumatiga Toshkent aeroportida yoʻlovchilarga xizmat koʻrsatuvchi yangi terminal loyihasi boʻyicha texnik-iqtisodiy tadqiqotlar natijasini taqdim etdi.

Eslatib oʻtamiz, Toshkent aeroportini Markaziy Osiyoning bogʻlovchi aeroportiga aylantirish, shuningdek, mamlakat raqobatbardoshliligini oshirish maqsadida Oʻzbekiston hukumati eskirgan va kichik xalqaro aeroportni (Aeroport-2) yangi xalqaro yoʻlovchi terminali bilan almashtirmoqchi. Texnik-iqtisodiy asosni ishlab chiqish KOICAga topshirilgan edi.

 

"Poytaxt aeroporti(Toshkent-4)ning yangi terminali loyihasi toʻrt yil davomida hayotga tatbiq etiladi. Aeroport maydoni hajmi ikki barobarga ortadi, yoʻlovchilarga xizmat koʻrsatuvchi terminal esa hozirgiga nisbatan uch barobarga kengayadi”, — deb xabar qilishdi Sputnik Oʻzbekistonga Koreya agentligi vakolatxonasida.

Yangi xalqaro terminal qurilishi 2019 yil oxiriga qadar yakunlanishi rejalashtirilmoqda. Loyihani amalga oshirish uchun esa 312 million dollardan koʻp mablagʻ sarflanishi koʻzda tutilgan. Sarf-harajatlarning kattagina qismi — 300 million dollarga yaqini chet el investitsiyalari, jumladan Janubiy Koreya investitsiyalari va kreditlari evaziga qoplanadi.

Yangi terminal soatiga 1,5 ming yoʻlovchiga xizmat koʻrsatadi.

 

 

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala