Rossiyada muqaddas Pasxa bayramini nishonlash

2016 yilda Pasxa bayrami 1-may kuni nishonlanadi. Pasxa kuni, Xristianlar Iso Masihning xochga mixlanganidan keyin uchinchi kuni qayta tirilganini eslashadi.

“Pasxa” so‘zining kelib chiqishi yahudiy tildagi “pasax” so‘zidan olingan bo‘lib u “o‘tib ketmoq” ma’nosini bildiradi. Bu, Injilda aytilishiga ko‘ra, qadim zamonda yahudiylarning Misrdagi qullikdan yoppasiga ko‘chishiga bag‘ishlangan. Ushbu so‘zning ikkinchi  ma’nosi bu grek tilidan olingan bo‘lib u “azob chekmoqdaman” degan ma’noni bildiradi.

Xristan dinida “Pasxa” so‘zi alohida ma’noga ega bo‘lib, u omonat dunyodan Iso Masih bilan birgalikda, abadiy dunyoga o‘tish ma’nosini bildiradi. Yoki yerdagi hayotdan osmondagi, Xudoning oldidagi, hayotga o‘tish ma’nosini bildiradi.