TOShKENT, 17-may — Sputnik. Samarqand viloyatining Bulung‘ur tumaniga Xayriddin Xo‘jayorov hokim etib tayinlandi, deb xabar qilmoqda kun.uz nashri "Zarafshon" gazetasidan olingan ma’lumot asosida.
Samarqand viloyati hokimining bu haqdagi qarori 13-may kuni imzolangan.
Tumanga shu vaqtgacha Husan Abjalov hokimlik qilib kelayotgan edi. U Samarqand viloyati hokimi Zoir Mirzayevning 13-maydagi boshqa bir qarori bilan lavozimidan ozod etilgan.
