TOShKENT, 19-may — Sputnik. O‘rta yer dengizi ustida g‘oyib bo‘lgan EgyptAir bortida 30 nafar misrlik va 15 nafar fransuz bo‘lgan, deb xabar qilmoqda Misr Aviatsiya vazirligi.
Shuningdek, samolyot bortida: 1 nafar Buyuk Britaniya fuqarosi, 1 nafar belgiyalik, ikki Iroq fuqarosi, shuningdek 1 nafardan Quvayt, Saudiya Arabistoni, Sudan, Chada, Portugaliya, Jazoir va Kanada fuqarolari bo‘lgan. Layner bortida jami 56 nafar yo‘lovchi va 10 nafar ekipaj a’zolari bo‘lishgan.
Muassasa ma’lumotiga ko‘ra, avialayner bilan aloqa 2:30da uzilgan. Bu vaqtda samolyot O‘rta yer dengizi ustidan uchib borayotgan bo‘lgan.
Fransiya prezidenti Fransua Olland va Misr prezidenti Abdul Fattoh as-Sisi telefon orqali bo‘lib o‘tgan suhbat davomida samolyotni qidirish ishlarini hamkorlikda olib borishga kelishib oldilar, deb xabar qilmoqda RIA Novosti.
