TOShKENT, 23-may — Sputnik. O‘zbekiston milliy terma jamoasining rejalariga o‘zgartirishlar kiritilgani munosabati bilan 2-iyunga belgilangan Qirg‘iziston terma jamoasi bilan o‘rtoqlik uchrashuvi bekor qilindi, deb xabar qiladi O‘zbekiston futbol federatsiyasi matbuot-xizmati.
"Qirg‘iziston o‘rniga 2-iyun uchun boshqa jamoa bilan Toshkentda o‘yin o‘yin o‘tkazish uchun muzokaralar olib borilmoqda. Hozircha ushbu vaziyat yuzasidan O‘zbekiston Futbol Federatsiyasi tomonidan qo‘shimcha tushuntirish yoki izoh berilmaydi", — deb yozilgan xabar matnida.
