OAV: 8 yoshga to‘lgan Kim Chen Inga ta’zim qilgan generallar hozir ham uning yonida

© KRT via AP Video Shimoliy Koreya yetakchisi Kim Chen In
Shimoliy Koreya yetakchisi Kim Chen In - Sputnik O‘zbekiston
Obuna bo‘lish
Shimoliy Koreya yetakchisi Kim Chen Inning xolasi Shimoliy Koreyadagi hayoti haqida ilk marotaba The Washington Post nashriga intervyu berdi.

TOShKENT, 28-may — Sputnik. Shimoliy Koreya yetakchisi Kim Chen Inning 1998-yildan beri AQShda yashovchi xolasi va nihoyat uzoq yillardan so‘ng jurnalistlarga intervyu berdi, deb xabar qilmoqda RIA Novosti nashri.

Shimoliy Koreya ballistik raketani sinovdan o‘tkazdi - Sputnik O‘zbekiston
Shimoliy Koreya Manxetenni yer yuzidan yo‘q qilmoqchi
Ko Yen Suk — Shimoliy Koreya yetakchisining xolasi. Bugungi kunda 60 yoshni qarshi olgan Yen Suk 1998-yilda turmush o‘rtog‘i — Li Gan hamda uch nafar farzandi bilan Shimoliy Koreyani tark etgan va nashr xabariga ko‘ra, "SRU"ning uzun qo‘llariga tushgan. Ko Yen Suk turmush o‘rtog‘i xususiy tadbirkorlikni yo‘lga qo‘ygan, farzandlarning hammasi oliy ma’lumotli. Ammo Shimoliy Koreyani tark etganiga 18-yil bo‘lgan bo‘lsa-da, bu oila Amerika Markaziy razvedka boshqarmasi uchun "qimmatli ma’lumotlar manbai"ligicha qolmoqda.

Ko Yen Sukning tasdiqlashicha, Kim Chen In rostdan ham 1984-yilda tug‘ilgan. Chunki uning o‘g‘li ham shu yil tug‘ilgan bo‘lib, ular bolalikda birga o‘ynashgan.

"Biz yaxshi bir uyda yashardik, oilamiz binoyidek edi. Men Kim Chen In va uning akasi Kim Chen Chxolyuga xuddi onasidek edim. Kim Chen Inga do‘stlarini uyga boshlab kelishni va mehmon qilishni tavsiya etardim. Uni yaxshi hayotda yashashini istardim. Ular shirinliklar yer va “Lego” o‘ynashardi», — deb iqtibos keltiradi Ko Yen Suk intervyusidan nashr.

Ayolning qo‘shimcha qilishicha, u bolalar bilan birga Parijdagi Disneylendga borgan. Bundan tashqari, Shimoliy Koreya yetakchisi Alplarda chang‘i uchgan, Fransiyaning Rivyerasida dam olgan, italyan restoranlarida ovqatlangan. Kim Chen In yoshligida texnikaga juda qiziqqan va hamisha "nima uchun kemalar suzadi, samolyotlar uchadi" degan savolga javob olishga uringan. Bundan tashqari maktabda tahsil olgan vaqtlarida basketbol o‘yiga ko‘ngil qo‘ygan va keyinchalik afsonaviy Maykl Jordanga muxlislik qilgan. Yoz oylarini Kim Chen In ona shahrida o‘tkazgan, deb yoziladi maqolada.

© REUTERS / KCNAKNDR zapustila raketi maloy dalnosti
KNDR zapustila raketi maloy dalnosti - Sputnik O‘zbekiston
KNDR zapustila raketi maloy dalnosti

"Kim Chen In bezori emasdi, ammo u juda qiziqqon edi, unga sabr yetishmasdi. Onasi uning o‘yinga haddan berilib, o‘qishga yetarli vaqt ajratmayotganini aytib, koyigan vaqtlarida, u gap qaytarmasdi, balki boshqacha usullar bilan o‘z noroziligini bildirar edi, misol uchun  ochlik e’lon qilardi", — deya xotirlaydi Ko Yen Suk.

Ayolning ta’biriga qaraganda, Kim Chen Inni "yoshligidan shunday tarbiyalashganki, u bir kun kelib hukmdorga aylanishini bilgan", deb ta’kidlanadi nashrda. Shimoliy Koreyaning bo‘lg‘usi rahbari sakkiz yoshga to‘lganida, uning tug‘ilgan kuniga oliy qo‘mondonlik boshqaruvi vakillari kelishgan. Kim Chen Inga "haqiqiy generallar unga general formasini sovg‘a qilishgan va ta’zim bajo keltirishgan, o‘sha vaqtlardan buyon o‘sha generallar Kim Chen Inga sodiq", deb yozadi nashr Ko Yen Sukning hikoyasiga asoslangan holda.

Yangiliklar lentasi
0