Jamiyat

Toshkent doʻkonlaridagi qaymoqlardan ichak tayoqchalariga manbus bakteriya topildi

© Sputnik / Sergey Averin / Fotobankka oʻtishSut mahsulotlari tekshiruvdan oʻtkazilmoqda
Sut mahsulotlari tekshiruvdan oʻtkazilmoqda - Sputnik Oʻzbekiston
Toshkent shahrida, mahalliy ishlab chiqaruvchiga tegishli qaymoq tarkibidan yuqumli kasallik keltirib chiqaruvchi ichak tayoqchalariga mansub bakteriyalar aniqlangan.

TOSHKENT, 28 may — Sputnik. Qaymoq — koʻpchilik tomonidan sevib isteʼmol qilinadigan va foydali mahsulot, ammo uni isteʼmol qilishning oʻziga yarasha nozik tomonlari bor.

Davlat Raqobat qoʻmitasi rasmiy saytida berilgan xabarga koʻra, shu yil fevral oyida Toshkent shahrining Chilonzor tumanida yashovchi fuqarosi Sebzor koʻchasidagi "SUNDAY" supermarketidan qaymoq xarid qilib, mahsulot sifatiga shubxa toʻgʻilganligi munosabati bilan uni bakteriologik tahlil uchun Olmazor tuman Davlat sanitariya epidemiologiya nazorati markaziga yuborgan.

Oʻtkazilgan tahlil natijasida esa, topshirilgan namuna tarkibida ichak tayoqchasi guruhiga mansub bakteriya borligi aniqlangan. Ushbu masala zudlik bilan Davdat raqobat qoʻmitasi, "Darvoza savdo" MCHJ va "Xosiyatli kut-baraka" MCHJ xodimlari hamkorligida oʻrganib chiqildi.

Natijada, "Darvoza savdo" MCHJga tegishli barcha "Macro" va "Sunday" supermarketlari peshtaxtalaridan "Xosiyatli kut-baraka" MCHJ tomonidan ishlab chiqarilgan barcha sut mahsulotlari masala hal boʻlgunga qadar sotuvdan vaqtincha olib qoʻyildi.

Shu bilan birga, ishlab chiqaruvchi korxonada Davlat sanitariya epidemiologiya nazorati markazi tomonidan qisqa muddatli tekshiruv oʻtkazilib, aniqlangan kamchiliklar sababli korxonaning ishlab chiqarishi vaqtincha toʻxtatilgan va korxona rahbariga nisbatan maʼmuriy jarima qoʻllanilgan.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala