TOShKENT, 3-iyun — Sputnik. Oltoy o‘lkasining Kulundin tumanida fitosanitar nazorat vaqtida O‘zbekistondan olib kelingan pomidorlarda zararkunanda hashorot – Janubiy amerika tomat kuyasi borligi aniqlandi.
Zararkunanda Rosselxoznadzorning Markaziy ilmiy-ishlab chiqarish veterinar radiologik laborotoriyasi yordamida aniqlandi.
Mahsulot egasi, Rossiya qonunlariga binoan zararlangan mahsulotni yo‘q qilib tashladi.
Janubiy amerika tomat kuyasi (Tuta absoluta Povolny) – meva va sabzavotlar uchun juda zararli hashorat hisoblanadi. Asli vatani markaziy amerika bo‘lgan ushbu hashorot oxirgi vaqtlarda dunyoda keng tarqalmoqda. Ko‘plab mamalkatlarda u karantin ro‘yxatiga kiritilgan.
Tomat kuyasi kartoshka, baqlajon, qalampir va boshqa o‘simliklarga yoppasiga zarar keltirishi mumkin. Keltirilgan zarar natijasida o‘simliklar o‘z mevasini va xususiyatlarini 35-100%ga yo‘qotishi mumkin. Zararkunanda o‘ta faol va moslashuvchanligi aniqlangan.
