Jamiyat

10 mlrd soʻm oʻmargan firibgar va qoʻqonlik bezori Oʻzbekistonga qaytarildi

© fotoliaKishan solingan qoʻl
Kishan solingan qoʻl - Sputnik Oʻzbekiston
Obuna boʻlish
NovostiTelegram
Moskva viloyati prokuraturasi qoʻlga olingan bir necha Oʻzbekistonlik jinoyatlarni vataniga qaytardi.

TOSHKENT, 9 iyun — Sputnik. Oʻzbekiston JKga koʻra, “oʻgʻirlik”,  “lavozimini suisteʼmol qilish”, “firiibgarlik”, “jinoiy yoʻl bilan olingan daromadlarni qonuniylashtirish” kabi jinoyatlarda ayblanayotgan fuqaro Shukurullo Qoʻziyev, Moskva viloyati prokuraturasi tomonidan Oʻzbekiston huquqni saqlash organlari xodimlari qoʻliga topshirildi.

Huquqni saqlash organlari xabariga qoʻra, 2005-2007 yillarda Qoʻziyev Oʻzbekiston hududida tadbirkorlik bilan shugʻullangan. Jinoiy guruh tarkibida oʻz taʼsiri ostida boʻlgan bankka yuqori foiz evaziga jismoniy v yuridik shaxslardan mablagʻ jalb qilgan. Keyin esa qalbaki tashkilotlar va shartnomalar asosida pullar naqdga aylantirib oʻmargan. Qoʻziyevning ushbu faoliyatdan yetkizilgan zarar 280 mln soʻmni tashkil qildi. Undan tashqari Qoʻziyev koʻchmas mulk bilan bogʻlik boʻlgan operatsiyalarni amalga oshirib 9 mlrd soʻmlik noqonuniy daromad olgan.

Shukurullo Qoʻziyev oʻtgan yilning oktyabr oyida Moskva viloyatning Klin tumanida qoʻlga olingan edi. Moskva viloyati prokuraturasi oʻtkazgan tekshiruvdan keyin u Oʻzbekiston huquqni saqlash organlariga topshirildi.

Moskva viloyati prokuratura xabariga koʻra, oʻtgan yilning sentyabr oyida Pushkin tumanida hibsga olingan yana bir Oʻzbekiston fuqarosi Oʻzbekiston huquni saqlash organlariga topshirildi.

Bir necha yil oldin sodir etgan “oʻgʻirlik” va “jamiyatga qarshi hatti-harakat”kabi jinoyatlari  uchun, Oʻzbekistonda qidiruvda boʻlgan, qoʻqonlik Artem Raxmanov ham Oʻzbekistonga ekstraditsiya qilindi.

Yangiliklar lentasi
0