TOShKENT, 15-iyun — Sputnik. Jahon banki direktorlar kengashi O‘zbekiston bilan hamkorlikning yangi dasturini tasdiqladi. Dastur doirasida JB O‘zbekiston uchun 4 mlrd $ mablag‘ zahira qildi. Ma’lumot JBning O‘zbekistondagi vakolatxonasi saytida xabar qilingan.
“Yangi strategiya O‘zbekiston uchun hal qiluvchi ahamiyatga ega bo‘lgan, uch sohani rivojlantirishga qaratilgan – xususiy sektorni rivojlantirish, qishloq xo‘jaligi va paxtachilik sanoatini raqobatdoshligini rivojlantirish hamda davlat xizmatlari sifatini yaxshilashga qaratilgan”, — deyilga JB ma’lumotida.
Rejaga ko‘ra, kreditlar 40-yil muddatga yiliga 0,75 % stavka bilan beriladi. Birinchi o‘n yil imtiyozli muddat bo‘ladi.
O‘zbekiston JBga 1992-yilda a’zo bo‘ldi. 1995-yildan beri JB O‘zbekistonning turli iqtisodiy va ijtimoiy sohalarini rivojlantirish uchun 2 mlrd $ dan ortiq kredit berdi.
