TOShKENT, 16-iyun — Sputnik. Gvineya Xitoy o‘rnini bosadigan "global zavod"ga aylanishi mumkin, deya bayonot berdi Gvineya Respublikasi prezidenti Alfa Konde. RIA Novosti xabari asosida.
"Bizda texnologiya va ishlab chiqarish korxonalari mavjud ekan, demak, Xitoy o‘rniga "jahon zavodi" bo‘la olamiz va Yevropaga katta miqdorda mahsulotlarni yetkaza olamiz", — dedi u bugun Sankt-Peterburgda ochilgan xalqaro iqtisodiy forum(PXIF-2016)da so‘zlagan nutqi davomida.
Eslatib o‘tamiz, Gvineya — G‘arbiy Afrikadagi kichik bir davlat. Aholisi soni — 11 million kishi. Gvineya boksit(alyumin rudasi), oltin, olmos, meva va sabzavotlar eksporti bilan shug‘ullanadi.
