Jamiyat

Oʻzbekiston Olimpiya jamoasidan topilgan dopingga - analgin sabab boʻlishi mumkin

© Sputnik / Pavel Lisitsыn / Fotobankka oʻtishDori vositalar
Dori vositalar - Sputnik Oʻzbekiston
Oʻzbekiston Ogʻir atletika jamoasi vitse-prezidentining soʻzlariga qaraganda, doping tufayli Oʻzbekistonning faqat ayollar ogʻir atletika jamoasi Olimpiadada qatnashish huquqidan mahrum qilingan, boshqalar tayorlanishda davom etmoqda.

TOSHKENT, 27 iyun — Sputnik. Oʻtgan juma kuni, Xalqaro Ogʻir Atletika federatsiyasi (IWF) Oʻzbekiston ayollar ogʻir atletika jamoasini Rio-de-Janeyrodagi Olimpiadada qatnashish huquqidan mahrum qilgan edi. Oʻzbekiston ogʻir atletika jamoasi vitse-prezidenti Shaxrillo Maxmudov ushbu qarorga izoh berdi.

Uning soʻzlariga qaraganda, ushbu  vaziyatda ortiqa shovqin-suron koʻratishning hojati yoʻq.

“Koʻrilgan jazo choralari faqat ayollar jamoasiga taaluqli. Jamoadan hech kimga alohida jazo berilmaydi. Olimpiada jamoasiga kirishga talabgor boʻlgan Ruslan Nurudinov, Rustam Djangabayev, Ivan Yefremov, Sardor Doʻstmuradov, Muhammad Begaliyev, Ulugʻbek Alimovlar xotirjam tayorgarlik koʻrishda davom etmoqda. Umuman aytganda, yetakchi sportchilarda doping topilmagan. 2013 yilda olingan namunalarda doping topilishi bu tasodif xolos. Doping faqat oʻta yosh, jamoaga endi kelgan sportchilardan topilgan”, — dedi Maxmudov.

Maxmudovning soʻzlariga qaraganda, jamoa ushbu voqea uchun javobgarlikdan voz kechgani yoʻq va dopingga qarshi ashaddiy kurash olib borishda davom etadi.  Uning fikriga koʻra, sport chilar analizlarini tekshiruvchi zamonaviy apparatura 8 yil oldinga apparatlardan tubdan farq qiladi.

Misol uchun 2013 yilda Oʻzbekistonlik sportchilar analgin pentalgin kabi dorilarni bemalol qabul qilishgan. Ushbu dorilardan oddiy antibiotik, ogʻriq qoldiruvchi va yurak-qon tomirlar faoliyatini neytrallashtiruvchi vosita sifatida foydalanilgan. Ulardan sport natijalarini yaxshilovchi vosita sifatida foydalanilmagan. Endi boʻlsa ularning tarkibida taʼqiqlangan elementlar borligi aniqlangan. Oldin laboratoriya tekshiruvlari ushbu dorilar tarkibidan hech narsa topmas edi, hozir boʻlsa tekshiruvlar ijobiy natija bermoqda, deydi Mahmudov.

“Bu sohada trenerlar oʻta malakali va diqqatli boʻlishi kerak. Bugungi kunda ushbu muammolar juda jiddiy tus oldi. Federatsiya, sportchilar va trenerlar biirgalikda ishlashi kerak. Ular zamon bilan birgalikda qadam tashlashi kerak, barcha yangiliklardan xabardor boʻlib turishi kerak”, — deydi Maxmudov.

Undan tashqari, Maxmudovning fikriga koʻra,  sport sohasidagi meditsina xodimlari malakasini oshirish va umuman sportdagi meditsina madaniyatini ham oshirish kerak.

 

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala