Turk OAVlari Istambuldagi teraktlarda chechen va o‘zbekistonliklarni gumon qilmoqda

TOShKENT, 30-iyun — Sputnik. Istambul aeroportida amalga oshirilgan teraktlarda Checheniston fuqarosi Axmed Chatayev gumon qilinmoqda, deb xabar qilgan RIA Novosti Yeni Safak nashri asosida.

Eslatib o‘tamiz, 28-iyun kuni kechasi Istambuldagi Otaturk xalqaro aeroporti terminalida qator portlashlar amalga oshirildi. Kamikadze-terrorchilar yo‘lovchilarga qarata avtomatdan o‘t ochib, shundan so‘ng portlovchi qurilmalarni ishga tushirganlar. So‘nggi ma’lumotlarga ko‘ra, teraktlar natijasida 41 kishi, shu jumladan, 13 nafar chet el fuqarolari halok bo‘lishgan, 239 kishi jarohatlangan. Sal oldin Turkiya Bosh vaziri Binoli Yildirim. Barcha dalillar teraktga “Islom davlati” terrorchilik uyushmasining aloqadorligini ko‘rsatmoqda, deya bayonot qilgan edi.

Yeni Safak nashrida yozilishicha, politsiya ushbu teraktlarda sakkiz kishini gumon qilmoqda. Ulardan biri hibsga olingan, to‘rttasi ustidan xalqaro qidiruv e’lon qilingan.

Nashr e’lon qilingan xabarga ko‘ra,  portlashlar tashkilotchisi Chatayev bo‘lishi mumkin. U avvaliga “Imarat Kavkaz” jinoiy uyushmasida faoliyat yuritgan va keyinchalik “ID” safiga qo‘shilgan bo‘lishi mumkin, deb yozilgan nashrda.

Uch nafar kamikadze-terrorchilar – Dog‘iston, Qirg‘iziston va O‘zbekiston fuqarolaridir, deb yozadi nashr maxsus xizmat organlaridan olingan ma’lumotlarga tayangan holda.