Moliyaviy piramida odamlar ishonchini qozonish orqali amalga oshiriladigan firibgarlik hisoblanadi. Piramida doimiy tarzda pul mablag‘larini jalb etishga asoslanadi. Bunda piramidaning ilk ishtirokchilariga foyda keyingi sarmoyachilar hisobidan qoplanadi.
Ammo, katta pul va’da qilingan vaqtda, bepul pishloq faqat qopqonda bo‘lishini yodingizga keltirsangiz bo‘lgani.
So‘nggi vaqtda O‘zbekistonda katta shov-shuvga aylangan "Ahmadboy" bilan bog‘liq mashmashalar ana shunday firibgarlikka yorqin misol bo‘la oladi.
Bergan puli yoki molini ikki barobar qilib qaytarib ola boshlagan mijozlar yangi mijozlarni boshlab keladi. Ayni paytda aholi orasida sahovatpesha, bir so‘zli, odamohun degan tasavvur mustahkam shakllana boshladi.
Ahmadning faoliyati ayniqsa 2015-yilning ohirlariga kelib juda kengayib ketdi. Bu paytga kelib Ahmadning atrofida qonunchilikdan uncha-buncha xabari bor odamlar maslahatchi sifatida paydo bo‘ldi. Ularning yo‘l-yo‘rig‘i bilan Tursunboyev o‘zining faoliyatini huquqiy jihatdan asoslaydigan biror tuzilmaga asos solishga kirishadi va 2016-yilning 12-yanvarida "Chinoz avto hamkor" mas’uliyati cheklangan jamiyati hamda "Chinoz halol chorva" fermer xo‘jaligini tashkil qildi. Davlat ro‘yxatidan o‘tgan ikki MChJga ko‘p yillar nufuzli idoralarda ishlab kelgan mutaxassislar jalb qilindi.
Ana shunday firibgarlar qurboniga aylanmaslik uchun, infografikamizni diqqat bilan o‘qib chiqishni maslahat beramiz. Firibgarlikka asoslangan moliyaviy piramidalar qanday ishlashi, siz uchun shubhali tuyulgan kelishuvlarni taklif qilishsa, nimalarga e’tibor berish lozimligini anglab olasiz, va shunda, o‘zingizni ham, yaqinlaringizni ham vaqtida to‘xtatish imkoniga ega bo‘lasiz, degan umiddamiz.
