TOShKENT, 8-iyul — Sputnik. Keyingi vaqtda o‘zbekistonlik avtoulov egalari orasida YHXB xodimlari tomonidan ruxsat berilmagan joylarda parkovka qilingan avtomobillardan raqamlar yechib olinayotgani eng ko‘p muhokama qilinayotgan mavzulardan biriga aylandi.
Toshkent shahar ichki ishlar bosh boshqarmasi Yo‘l harakati xavfsizligi boshqarmasi bo‘lim boshlig‘i Zoir Saydialiyevning xabar berishicha, haqiqatan, bugungi kunda avtomobillarning ta’qiqlangan joylarda parkovka qilinishi kunning eng dolzarb mavzularidan biriga aylangan. Ayniqsa, shahar markazida bu holat sodir bo‘lishi, katta muammoga aylanib, oddiy haydovchilar uchun harakatlanishda qiyinchiliklarni va, hatto, avtohalokatlarni yuzaga keltirmoqda.
"Inspektorlar noto‘g‘ri parkovka qilingan avtomobillardan raqamlarni yechib olish huquqiga ega emas, deb o‘ylaydiganlar yanglishadi. Bugungi kunda ish sxemasi quyidagicha — agar belgilangan qoidalarga zid ravishda parkovka qilingan avtomobil aniqlansa, inspektor guvoh topib, bu huquqbuzarlikni qog‘ozda tasdiqlashi mumkin. Shundan so‘ng, inspektor, avtomobildan raqamni yechib olib, hatto evakuator chaqirib, uni jarima maydonchasiga yuborishi mumkin", — deb ta’kidladi Zoir Saydialiyev.
Suhbatdosh, shuningdek, avtomobil evakuatsiyasi, uning jarima maydoniga joylashtirilishi bilan bog‘liq sarf-harajatlar avtomobil egasi zimmasida bo‘lishini eslatib o‘tdi.
