Nissada odamlarni yanchgan yuk mashinasi teraktdan ikki kun oldin ijaraga olingan

© REUTERS / /Eric GaillardNissadagi terakt uchun yuk mashinasi bir necha kun oldin ijaraga olingan
Nissadagi terakt uchun yuk mashinasi bir necha kun oldin ijaraga olingan - Sputnik O‘zbekiston
Obuna bo‘lish
Fransiyaning Nissa shahrida odamlarni yanchgan yuk mashinasi teraktdan bir necha kun oldin ijaraga olingan, deb xabar qilmoqda Frans Press nashri.

TOShKENT, 15-iyul — Sputnik. Frans Press nashri xabariga ko‘ra, Nissadagi 84 kishi hayotiga zomin bo‘lgan terakt uchun yuk mashinasi bir necha kun oldin ijaraga olingan. RIA Novosti xabari asosida.

"Yuk mashinasi bir necha kun avval Provans-Alpi-Lazur qirg‘og‘i mintaqasida ijaraga olingan" — deb xabar qilgan manba agentlikka.

OAVlarda berilgan ma’lumotga ko‘ra, halok bo‘lganlar orasida chegara politsiyasi xodimi ham bo‘lgan.

Nissadagi terakt - Sputnik O‘zbekiston
Fransiya yana motamda: Nissadagi mudhish terakt tufayli 84 kishi halok bo‘ldi
Xabar qilinishicha, Bastiliyani olish milliy bayrami kuni xalq salyut tomosha qilish istagida suv bo‘yida to‘plangan. Mahalliy vaqt bilan 22.30da katta yuk mashinasi olomon ustiga bostirib borgan, guvohlarning so‘zlariga ko‘ra, o‘q ovozlari ham eshitilgan.

Hodisa joyida bo‘lgan odamlarning so‘zlariga ko‘ra, haydovchi yuk mashinasini ikki kilometrcha zigzak tarzida boshqarib borgan va odamlarni yanchgan. U shuningdek, xalqqa qarata o‘t ochgan. So‘nggi ma’lumotlarga ko‘ra, hodisa tufayli 84 kishi halok bo‘lgan, 120 kishi jarohatlangan. Yuk mashinasi haydovchisi shu joyning o‘zida yo‘q qilingan.

Fransiya prezidenti Fransua Olland hujumni terakt deb atagan va mamlakatdagi 26-iyulda tugashi lozim bo‘lgan favqulodda holat yana uch oyga uzaytirilishini ma’lum qilgan.

Yangiliklar lentasi
0