Hodisalar

Turkiya Mudofaa vaziri mamlakatda toʻntarish xavfi hamon mavjudligini aytdi

© AP Photo / Emrah Gurel Turkiyadagi ahvol
Turkiyadagi ahvol - Sputnik Oʻzbekiston
Turkiya Mudofaa vaziri Fikriy Ishikning aytishicha Turkiya koʻplab toʻntarishlarni boshdan kechirgan, "ammo bu galgisi kishini gʻazablantiradigan xoinlik aktidan boshqa narsa emas. "Hatto chet ellik bosqinchilar ham turk xalqini osmondan turib vertolyot va samolyotlar yordamida bombardimon qilmagan", - deya bayonot qildi vazir.

TOSHKENT, 18 iyul — Sputnik. Turkiyadagi harbiy toʻntarishning oldi olindi, ammo xavf toʻlaligicha bartaraf etilgani yoʻq, deya bayonot qildi Turkiya Mudofaa vaziri Fikri Ishik dushanba kuni. RIA Novosti xabari asosida.

Turkiya prezidenti Rajab Toyib Erdoʻgʻon - Sputnik Oʻzbekiston
Dunyoda
Erdoʻgʻon Turkiya havo hududida patrul parvozlarni amalga oshirishga buyruq berdi
"Shu kechayu-kunduzda davlat toʻntarishiga urinish harakatlarining toʻliq oldi olindi, ammo biz xavf yoʻqoldi, deb ayta olmaymiz. Shu bois, hurmatli Istambul ahli, sizlardan janob prezidentning har bir soʻzini diqqat bilan tinglashga va to u sizlar uyga qaytishlaringiz mumkin, deb aytmaguncha maydonda qolishlaringizni soʻraymiz", — deb aytgan vazir davlat toʻntarishiga qarshi mitingga chiqqan olomonga murojaat qilib.

Ishikning soʻzlariga qaraganda, Turkiya koʻplab toʻntarishlarni boshdan kechirgan, "ammo bu galgisi kishini gʻazablantiradigan xoinlik aktidan boshqa narsa emas. "Hatto chet ellik bosqinchilar ham turk xalqini osmondan turib vertolyot va samolyotlar yordamida bombardimon qilmagan".

Eslatib oʻtamiz, oʻtgan hafta 15 iyuldan 16 iyulga oʻtar kechasi Turkiya harbiy qoʻmondonligi mamlakatda hukumat ularning qoʻliga oʻtganini eʼlon qilgan edi. Ammo bir kun ichida Turkiya hukumati ushbu harbiy isyonni bostirishga muvaffaq boʻldi va bu haqda teleefir orqali maʼlum qildi.

Eng soʻnggi xabarlarga koʻra Toyib Erdoʻgʻon saroyiga qilingan hujumda — harbiy isyonda qatnashgan 750 harbiy hibsga olingan va unvonlaridan mahrum qilingan, ular orasida 5 nafar general va 29 nafar polkovnik bor.

Xabarlarga koʻra, davlat toʻntarishini amalga oshirishga urinish harakatlari oqibatida 290 kishi halok boʻlgan. Turkiya hukumati AQShda istiqomat qilayotgan islom targʻibotchisi Fatxulla Gyulenni ushbu isyonni tashkil qilganlikda ayblamoqda.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala