Hodisalar

Istambul politsiyasi vertolyotlarni urib tushirish haqida buyruq oldi

Istambul xavfsizlik xizmati rahbari vertolyotlarni ogohlantirishsiz urib tushirish haqida buyruq oldi, ayni vaqtda shaharga 1,8 ming nafar spetsnaz jangchilari jalb qilingan, deb xabar qilmoqda Anadolu agentligi.

TOSHKENT, 18 iyul — Sputnik. Istambul xavfsizlik xizmati rahbari shahar osmonida ruxsatsiz parvoz qilgan vertolyotlarni ogohlantirmasdan urib tushirish haqida buyruq oldi, deb xabar qilmoqda RIA Novosti Anadolu agentligidan olingan maʼlumotga asoslangan holda.

Xabarda aytilishicha, Istambul va Turkiyaning boshqa qator hududlaridagi strategik ahamiyatga ega muhim obʼyektlarga 1800 nafar spetsnaz qoʻshinlari joylashtirilgan. Shaharga, shuningdek, maxsus tuzilma harbiy texnikalari ham olib kirilgan.

"Istambul xavfsizlik xizmati rahbari sanktsiya qilinmagan parvozlarni amalga oshirayotgan vertolyotlarni ogohlantirishlarsiz urib tushirish haqida koʻrsatma oldi", — deb xabar qilgan agentlikka manba.

Eslatib oʻtamiz, 15 iyuldan 16 iyulga oʻtar kechasi Turkiyada davlat toʻntarishini amalga oshirish harakatlari sodir etildi. Mamlakat huquqni muhofaza qilish organlari ayni vaqtda 6 mingdan ziyod kishini hibsga olgan, ular orasida generallardan tortib, zobitlar ham bor.

Turkiya TIV bayonotiga koʻra,mamlakatdagi harbiy isyon tufayli 290 kishi halok boʻlgan.

Ayni vaqtda Istambul shahrida favqulodda vaziyat joriy etilgan.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala