TOShKENT, 18-iyul — Sputnik. "Islom davlati" terrorchilik uyushmasi jangarilari Iroqning g‘arbiy shaharlaridan biri bo‘lmish Al-Qaymda 20 ming oilani "jonli devor" sifatida ushlab turibdi. Terrorchilar Iroq armiyasi hujumidan o‘zini shu tarzda himoya qilmoqda, deb xabar qilgan Al Mada agentligiga mahalliy yig‘in raisi. RIA Novosti xabariga ko‘ra.
"Islom davlati" chegaraga yaqin shahar ichida 20 ming oilani qamalda ushlab turibdi, jangarilar ulardan "jonli devor" sifatida foydalanmoqda", — deb xabar qilgan Nozim Bardan ismli amaldor.
Uning so‘zlariga ko‘ra, terrorchilar odamlarga shaharni tark etishni qat’iy ta’qiqlagan, qochishga harakat qilganlarning ko‘pi otib o‘ldirilgan.
"Al-Qaym hukumati markaziy rahbariyatdan shaharni tezroq tozalab, begunoh fuqarolarni evakuatsiya qilishni iltimos qilgan", — deb qo‘shimcha qildi bardan.
Eslatib o‘tamiz, ikki yildirki, Al-Qaymni terrorchilar nazorat qilib kelmoqda.
