TOShKENT, 20-iyul — Sputnik. Kiyev markazida portlatib yuborilgan avtomobil ichida Belorussiyalik jurnalist Pavel Sheremet bo‘lgan, RIA Novosti Ukraina OAVlari xabari asosida. Sheremetni o‘z vatani — Minskda dafn etish rejalashtirilgan.
Internetda, fojea sodir bo‘lgan joyda olingan foto va video lavhalar paydo bo‘ldi. Jurnalist “Ukrainskaya pravda” gazetasi rahbari Yelena Pritulaga tegishli bo‘lgan avtomobilda ketayotgan vaqtda soat mexnizmi yoki radioboshqaruv yordamida portlovchi moslama ishga tushirilgan. Fojea Kiyev markazida, Ivan Franko va Bogdan Xmelniskiy ko‘chalari kesishmasida sodir bo‘lgan.
“Chorshanba ertalab mashina portlashi oqibatida taniqli jurnalist Pavel Sheremet qurbon bo‘ldi”, — deyilgan “Ukrainskaya pravda” xabarida.
Mashina, v kotoroy vzorvalsya Sheremet. Foto Ukrainskaya pravda pic.twitter.com/BGgygyrQ8l
— Dns (@vasilkov) 20 iyulya 2016 g.
“Portlash oqibatida bir kishi qurbon bo‘ldi. Dastlabki ma’lumotlarga ko‘ra, u “Ozodlik radiosi” jurnalisti”, — dedi Shevchenko tumani politsiya matbuot kotibi Yuliya Dubovik “112 Ukraina” telekanali efirida.
Pavel Sheremet – Rossiya, Belorussiya va Ukrainada yaxshi tanish bo‘lgan jurnalist. U 10-yil davomida Rossiya televideniyesida ishlagan, jumladan Birinchi kanalda (ORT) ham. Oxirgi besh yil davomida Sheremet Kiyevda yashab “Ukrainskaya pravda” nashri va “Radio Vesti” efirlarida ishlab kelgan.
