TOShKENT, 21-iyul — Sputnik. O‘tgan hafta yakunida Qo‘shma Shtatlar prezidenti Barak Obama "AQShda politsiyachilarga hujumlar soni ortib ketdi", deya ta’kidlagan. RIA Novosti xabari asosida.
"Politsiyachilarga qarata otilgan o‘qlar — bu bizlarga otilgan o‘qlardir", — deb qo‘shimcha qilgan u.
Bu orada AQSh prezidentligiga respublikachilardan yagona nomzod Donald Tramp Obama tomonga piching "otishga" ulgurdi.
Uning fikricha, Amerika hukumati boshqalarga maslahat berishdan oldin o‘z mamlakatida tartib o‘rnatishi lozim.
Eslatib o‘tamiz, Amerika kuch organlari tomonidan yo‘l qo‘yilayotgan zo‘ravonlikka qarshi norozilik aksiyasi vaqtida Dallasda besh nafar politsiyachining otib ketilgani jamoatchilik orasida juda katta shov-shuvga sabab bo‘lgan edi. Oradan bir necha kun o‘tib, Baton-Ruj shahrida ham shunga o‘xshash hodisa ro‘y bergan — bu safar uch politsiyachi halok bo‘lgan.
