TOShKENT, 23-iyul — Sputnik. Munxenda otishma uyushtirgan jinoyatchi ikki mamalkat fuqarosi bo‘lgan, dedi shahar politsiya rahbari Xubbertus Andre.
“U Germaniya va Eron fuqarosi bo‘lgan”, — dedi jurnalistlarning “unda nemis pasporti bo‘lganmi”, — degan savoliga.
Andre aytishiga qaraganda jinoyatchi Munxenda o‘n yildan ortiq yashab kelgan.
Terrorchilikda ayblanayotgan shaxs nima sababdan ushbu ishni amalga oshirgani, bunga nima sabab bo‘lgani va nima uchun u o‘zini o‘zi otib o‘ldirgani hozircha noma’lumligicha qolmoqda. Shuning uchun bo‘lib o‘tgan jinoyat – terakt ekanligi hali aniq emas.
Eslatib o‘tamiz, juma kuni kechqurun Munxendagi “Olimpiya” savdo markazida, Karlplats maydonida va metro bekatlaridan birida o‘q ovozlari eshitildi. Otishmada 9 kishi qurbon bo‘ldi va 16 kishi jarohatlandi, ulardan uchtasi juda og‘ir ahvolda. Qurbonlar va yaralanganlar orasida o‘smirlar ham bor.
Kecha kechqurun, politsiya tomonidan kamida uch nafar terrorchi tomonida shaharning uch joyida pistolet va avtomatlardan otishma uyushtirildi, degan xabar tarqatilgan edi.
Jinoyatchini qidirishda 2,3 ming nafar politsiya xodimlari ishtirok etdi.
