TOShKENT, 25-iyul — Sputnik. “O‘zbekenergo” tarkibida tashkil qilinayotgan yangi Ilmiy-texnik markaz Energetika va avtomatika institutininig o‘rniga tashkil qilinmoqda. Bu haqidagi prezident qarori yaqinda lex.uz sahifasida e’lon qilindi.
Qarorga ko‘ra, Markaz elektr energetikasi sohasini rivojlantirish maqsadida amaliy ilmiy tadqiqotlar olib boradi, va respublikada yaratilgan yangi texnologiyalarni sinovdan o‘tkazish va tadbiq qilish bilan shug‘ullanadi.
Yangi tizim energetika sohasini rivojlantirishda ekologik toza bo‘lgan, yangilanadigan energiya manbaalarini tadbiq qilish bo‘yicha o‘rta va uzoq muddatli dasturlar ishlab chiqish bilan ham shug‘ullanadi.
Shu qatorda, tashkilot zimmasiga Respublikaning energetika sohasida samaradorlikni oshirish choralari ishlab chiqarish ham yuklatilgan.
