TOShKENT, 26-iyul — Sputnik. Dushanba kuni O‘zbekiston Mudofaa vazirligi va Vazirlar Mahkamasi qoshidagi Davlat test markazi harbiy xizmat yoshidagi yigitlarni armiyaga qabul qilish uchun yangi talab va me’zonlarni qabul qildi.
Test natijalari esa yetti kun ichida ko‘rib chiqiladi.
O‘zbekiston Mudofaa vazirligi ma’lumotiga ko‘ra, O‘zbekiston Qurolli kuchlari safiga chaqiriliuvchilarga talablarning kuchaytirilishi harbiy xizmatchilar saviyasini, jismoniy tayyorgarligi va ma’naviy yetukligini oshirish maqsadi bilan bog‘liqdir.
So‘nggi yillarda O‘zbekiston qurolli-kuchlari saflarida xizmat qilishni xohlovchilar soni haddan ziyod ko‘payishi ortidan mamlakat mudofaa vazirligi armiyaga yigitlarni test orqali qabul qilishni yo‘lga qo‘ydi.
Armiyada xizmat qilishni xohlovchilar endilikda jismoniy normativlardan tashqari, ona tili, adabiyot, tarix va matematika fanlaridan test topshirishlari kerak bo‘ladi.
O‘zbekiston Mudofaa vazirligi xabariga ko‘ra, hozirda muddatli harbiy xizmat uchun ajratilgan har bir o‘ringa to‘qqiz-o‘ntadan da’vogar to‘g‘ri kelmoqda.
