TOShKENT, 27-iyul — Sputnik. Gidrometeorologiya markazining xabar berishicha, Toshkent shahri va bir necha boshqa regionlarda qisqa muddatli yomg‘ir yog‘ishi va momaqaldiroq bo‘lishi ehtimoli bor.
Xabarga ko‘ra, ayrim hududlarda havo harorati pasayishi kuzatiladi.
28-29 iyul kunlari Toshkent shahrida havo o‘zgarib turadi, qisqa muddatli yomg‘ir yog‘ib, momaqaldiroq bo‘lishi ehtimoli bor.
Samarqand, Jizzax, Guliston viloyatlari va Farg‘ona vodiysida 28-iyul kuni kunduzi 30-35 daraja issiq bo‘ladi, kechasi esa 22-27 darajagacha pasayadi. 29-iyul kuni kunduzi — 28-33 daraja issiq kuzatiladi, kechasi esa havo harorati 18-23 darajagacha pasayadi. Shamol tezligi soniyasiga 12-17 metrni tashkil qiladi.
Qashqadaryo va Surxondaryo viloyatlarida havo o‘zgarib turadi, yog‘ingarchilik bo‘lmaydi.
Respublikamizning tog‘li hududlarida havo o‘zgarib turadi, ayrim joylarda qisqa muddatli yomg‘ir yog‘ib, momaqaldiroq bo‘lishi ehtimoli bor. Kunduzi 22-27, kechasi 17-22 daraja issiq bo‘ladi.
