Jamiyat

ERIga ega boʻlgan oʻzbekistonliklar onlayn tarzda bolani bogʻchaga joylashlari mumkin

© Sputnik / Mixail Voskresenskiy / Fotobankka oʻtishBolalar bogʻchasida.
Bolalar bogʻchasida. - Sputnik Oʻzbekiston
“Bolalarni maktabgacha tarbiya muassasalariga qabul qilish boʻyicha arizalarni qabul qilish” interaktiv xizmati shu paytgacha faqat Toshkent shahri aholisi uchun taqdim etilar edi, endi esa bu xizmatdan respublikaning xohlagan nuqtasidan turib foydalanish mumkin.

TOSHKENT, 27 iyul — Sputnik. Bugundan boshlab har bir ota-ona yagona interaktiv davlat xizmatlari portaliga bolalarni maktabgacha tarbiya muassasalariga qabul qilish boʻyicha arizani yoʻllashi mumkin, deb xabar beriladi portal rasmiy saytida.

"Maʼlum qilamizki, "Bolalarni maktabgacha tarbiya muassasalariga qabul qilish boʻyicha arizalarni qabul qilish" interaktiv xizmati, Yagona interaktiv davlat xizmatlari portali orqali faqatgina Toshkent shahri aholisi uchun taqdim etilar edi, endi esa bu xizmatdan respublikaning xohlagan nuqtasidan turib foydalanish imkoniyati yaratildi", — deyiladi xabar matnida.

Maʼlumotlarga koʻra, bu xizmatdan Yagona portaldan roʻyxatdan oʻtgan va ERI (elektron raqamli imzo) ga ega boʻlgan jismoniy shaxslar foydalanishlari mumkin. Xizmatdan foydalanish uchun elektron shakldagi arizani toʻldirish va zaruriy hujjatlar (Xizmat pasportining “Hujjatlar” boʻlimida koʻrsatilgan) toʻplamini taqdim etish kifoya.

Yoʻllanma olish uchun taqdim etilgan ariza va hujjatlar qabul komissiyasi tomonidan 10 kun muddat ichida koʻrib chiqiladi va qabul qilingan qaror haqida 3 kun muddat ichida arizachiga xabar beriladi.

Xizmat koʻrsatish narxi – bepul.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala