Dunyoda

Su-24 samolyoti Dovudoʻgʻli buyrugʻi bilan urib tushirilgani maʼlum boʻldi

© REUTERS / Francois LenoirTurkiyaning sobiq Bosh vaziri Ahmad Dovudoʻgʻli
Turkiyaning sobiq Bosh vaziri Ahmad Dovudoʻgʻli - Sputnik Oʻzbekiston
Turkiyaning sobiq bosh vaziri Ahmad Dovudoʻgʻli oʻtgan yilning noyabr oyida shaxsan Rossiyaning Su-24 samolyotini urib tushirishga buyruq berganini maʼlum qildi, deb xabar tarqatmoqda Hurriyet nashri.

TOSHKENT, 28 iyul — Sputnik. Rossiyaning Su-24 bombardimonchisi Ahmad Dovudoʻgʻli buyrugʻi asosida urib tushirilgan. Bu haqda Hurriyet maʼlumoti asosida RIA Novosti xabar qilgan.

Dovudoʻgʻlining soʻzlariga koʻra, buyruq nafaqat Rossiya samolyoti, balki Turkiya havo boʻshligʻiga tegishli boʻlgan.

"Davlatimiz urf-odatlariga koʻra, Bosh vazir Bosh qoʻmondonlikka qurollangan kuchdan foydalanish qoidalari haqida yozma buyruq yoʻllaydi. Men 10 oktyabrda shunday buyruq chiqarganman", — deb taʼkidlagan u NTV telekanali efirida.

"Oradan sakkiz oy oʻtgach bu masalani koʻtarish notoʻgʻri… Agar hodisa bugun roʻy bergan boʻlganda, men siyosiy masʼuliyatni oʻz zimmamga olgan boʻlardim", — deb qoʻshimcha qilgan u.

Eslatib oʻtamiz, oʻtgan yilning noyabr oyi oxirida Turkiyaning F-16 qiruvchisi Suriya osmoni ustida Rossiyaning Su-24 bombardimonchisini urib tushirgan edi. Rossiya prezidenti Vladimir Putin bu harakatga "terrorchilar hamtovoqlari tomonidan orqadan berilgan zarba” deya baho berib, Anqaraga nisbatan bir qator iqtisodiy choralarni kiritgan edi. Joriy yil iyun oyi oxirida Turkiya prezidenti Rajab Toyib Erdoʻgʻon boʻlib oʻtgan voqea uchun kechirim soʻradi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala