O‘zbekistonlik olimpiadachilar Braziliyaga jo‘nab ketishdi

© REUTERS / Nacho Doceio-de-Janeyroda bo‘lib o‘tadigan yozgi Olimpiada o‘yinlari ramziy begisi
io-de-Janeyroda bo‘lib o‘tadigan yozgi Olimpiada o‘yinlari ramziy begisi - Sputnik O‘zbekiston
Obuna bo‘lish
Sputnik O‘zbekiston muxbiri o‘zbek delegatsiyasining ayrim a’zolari bilan suhbatlashishga muvaffaq bo‘ldi. Ishtirokchilarning fikriga ko‘ra, bu yilgi olimpiada mamlakat sport tarixidagi eng yaxshi o‘yin bo‘lishi shubhasiz.

TOShKENT, 2 avg — Sputnik. O‘zbekiston sport delegatsiyasi Braziliyaning Rio-de-Janeyro shahrida bo‘lib o‘tadigan yozgi Olimpiada o‘yinlarida qatnashish uchun "Toshkent" aeroportidan Braziliya uchib ketdi deb xabar qilmoqda Sputnik O‘zbekiston muxbiri.

O‘zbek terma jamoasi tarkibidan 100dan ziyod sportchilar o‘rin olgan bo‘lib, ular 5-avgust kuni boshlanadigan Olimpiada o‘yinlarida 17 sport turi bo‘yicha musobaqalarda qatnashadilar.

Sputnik O‘zbekiston muxbiri bu yilgi Olimpiadaga katta umid bilan qarayotgan ayrim qatnashchilar bilan suhbatlashishga muvaffaq bo‘ldi.

Rio-de-Janeyro meri Eduardu Paesh Olimpiada bayrog‘i bilan - Sputnik O‘zbekiston
Olimpiada litsenziyasi olgan sportchilarga 50 mln so‘m mukofot beriladi
Mamlakat terma jamoasi tarkibidagi eng yosh dzudochi — Gulnoza Matniyozova (Braziliyadagi Olimpiada vaqtida 22 yoshni qarshi oladi, tahr) o‘z ona yurtiga medal ko‘rinishida sovg‘a tuhfa etmoqchi. Olimpiada o‘yinlarida dzudochilar eng birinchilardan bo‘lib mukofot uchun kurash boshlaydilar. Dzudo bo‘yicha musobaqalar 6-avgustdan 12-avgustga qadar bo‘lib o‘tadi.

"Ayni vaqtda bo‘lib o‘tadigan janglar haqida gapirish qiyin. Albatta, ular oson kechmaydi, negaki bu musobaqalarda qatnashish uchun sportchilar yillar davomida tayyorgarlik ko‘radilar. Olimpiada medallari — bu mahorat cho‘qqisi demakdir. To‘g‘ri, men yosh sportchiman, dunyo reytingida ham atigi 24 pog‘onada turaman, ammo xalqaro musobaqalarda qatnashish tajribasiga egaman, o‘tgan yilgi Osiyo chempionatida "kumush" sovrinni qo‘lga kiritganman. Muxlislarni xursand qilish uchun Braziliyada bor imkoniyatimni ishga solishga tayyorman", — degan Gulnoza.

Yengilatletikachi Ruslan Qurbonov esa terma jamoa sportchilari o‘zlarini holdan toydirmasligi lozimligini aytib o‘tdi.

"Albatta, o‘zni bo‘sh qo‘yishning ham keragi yo‘q, ammo haddan ziyod mashg‘ulotlaga berilish ham kerak emas, chunki oldinda iqlimga moslashish kabi masala bizni kutmoqda. O‘zimga keladigan bo‘lsak, Braziliyaga bo‘lgan safarim his-hayajon bilan kechmoqda, chunki bu mening birinchi Olimpiadamdir. U yerda dunyoning eng kuchli sportchilari tashrif buyuradi, ular bilan kuch sinashish — sharaf. Hech qanday bosim yo‘q, men bor imkoniyatimni ishga solishga harakat qilaman, eng avvalo o‘zimni yengib olishim darkor", — deb aytgan Ruslan.

Yangiliklar lentasi
0