Iqtisod

Toshkent-4 terminali yuqoridan Xumo qushining yoyilgan qanotlarini eslatadi

Obuna boʻlish
Yandex newsTelegram
Koreya xalqaro hamkorlik agentligi(KOICA) Toshkent xalqaro aeroportining yangi yoʻlovchi terminali (Toshkent-4)ni qurish loyihasining texnik-iqtisodiy asosini ishlab chiqishni yakunladi.

TOSHKENT, 4 avg — Sputnik. Dizaynerlar gʻoyasiga koʻra, terminal yuqoridan Xumo qushining yoyilgan qanotlarini eslatadi. Terminal 36 ta samolyotga moʻljallangan perron va 1700 mashinaga moʻljallangan avtoturargohni oʻz ichiga oladi va soatiga 1500 kishiga xizmat koʻrsata oladi., deb xabar qilmoqda Nuz.uz.

Xabarda maʼlum qilinishicha, yangi terminal 3 yil ichida, yaʼni 2019 yil oxirigacha qurib bitkaziladi. Loyiha qiymati 336,443 mln dollarni tashkil qiladi.

"Shu munosabat bilan tashkil etilgan anjumanda, Oʻzbekiston bosh vaziri oʻrinbosari Botir Zokirov, Janubiy Koreyaning Oʻzbekistondagi elchisi Kvon Yon U, KOICA va ushbu loyihaga jalb etilgan Koreya kompaniyalari konsortsiumi vakillari, shuningdek, "Oʻzbekiston havo yoʻllari" milliy aviakompaniyasi rahbariyati va mutaxassislari hamda boshqa manfaatdor vazirlik va idoralarning vakillari qatnashdi", — deyiladi xabarda.

Oʻzbekiston hukumati rejasiga koʻra, yangi Toshkent-4 aeroporti eskirgan Toshkent-2 aeroportini almashtirishi va Markaziy Osiyodagi bogʻlovchi aeroportga aylanishi kerak.Maydoni 86,94 ming kvadrat metrlik terminal foydalanishga kiritilgandan keyin har yili 5,7 mln yoʻlovchiga xizmat qila oladi.

Loyihaning bosh menejeri Kim Dong Chel (Inchxon aeroporti) loyihani taqdim qila turib, loyihachilar dunyoda eng yaxshi aeroportlardan biri deb hisoblanuvchi Inchxon aeroportini qurish va boshqarishda olingan tajribadan foydalangan holda Oʻzbekiston huumati talablariga javob beruvchi optimal rejani tuzish va natijalarga erishish uchun barcha saʼy-harakatlarni amalga oshirganlarini taʼkidlab oʻtdi.

Yangiliklar lentasi
0