Madaniyat

"Mening Toshkentim" myuziklining yangi versiyasida Soso Pavliashvili ishtirok etadi

© Sputnik / Valeriy Levitin / Fotobankka oʻtishQoʻshiqchi Soso Pavliashvili rafiqasi Irina bilan
Qoʻshiqchi Soso Pavliashvili rafiqasi Irina bilan - Sputnik Oʻzbekiston
Myuzikl ijodkorlari uning ishtiroki haqidagi hamma tafsilotlarni sir tutmoqdalar: tomoshabin yangi qahramonga qanday rol berilgani, u nima haqda hikoya qilishi-yu, nima haqda kuylashi toʻgʻrisida faqat tomosha davomida bilib oladi.

TOSHKENT, — 4 avg — Sputnik. Tez kunlarda Toshkentdagi "Istiqlol" sanʼat saroyida "Mening Toshkentim" myuziklining bayram namoyishi premyerasi boʻlib oʻtadi. Myuziklda taniqli gruzin va rus qoʻshiqchisi, aktyor Soso Pavliashvili ham rol ijro etishi kutilmoqda, deb xabar qilinadi press-relizda.

Ijodkorlarning soʻzlariga qaraganda, 24 sentyabrda “Istiqlol” sanʼat saroyida taqdim etiladigan teatrlashtirilgan yorqin va quvnoq musiqiy tomosha Oʻzbekiston Mustaqilligining 25 yillik toʻyiga munosib tuhfa boʻladi.

Eslatib oʻtamiz, 2016 yilning 13-14 may kunlari Toshkentda “Mening Toshkentim” myuzikli taqdimoti boʻlib oʻtgan edi.

Oʻshandayoq  myuzikl ijodkorlari sahna asarining navbatdagi talqinini tayyorlayotganliklari maʼlum boʻlgan edi.

Qiziqchi Ortiq Sultonov - Sputnik Oʻzbekiston
Madaniyat
Ortiq Sultonovga bobosi xazina qoldirdi
“Mening Toshkentim” myuziklining avvalgi talqinini koʻrib chiqarkanmiz, biz ajoyib loyiha yarata olganimizdan xursand boʻldik. Koʻpincha oʻz oldimizga jiddiy vazifalarni maqsad qilib qoʻyamiz, ammo ularni istalganidek amalga oshirishning imkoniyati doim ham boʻlavermaydi. Sabablari oddiy — masalan, barcha oʻylagan gʻoyalarimizni amalga oshirish uchun vaqt yetmay qolishi mumkin.  Bu safar biz sahnalashtirayotgan asarimizga yanada keng miqyosda yondashdik   — aktyorlar, ovoz, sahna koʻrinishi, raqslar!  Bizda yaxshi myuziklni yanada yaxshiroq sahnalashtirish imkoni tugʻildi! Bu myuzikl toshkentliklarning oʻzlari kabi betakror! Asar poytaxtimiz aholisi va mehmonlari uchun haqiqiy bayram tomoshasiga aylanishiga ishonamiz!”, —  deyishmoqda sahnalashtiruvchi rejissyorlar Hasan va Husan Solihovlar.

Xabarda aytilishicha, myuzikl stsenariysi maʼlum artistlar uchun maxsus yozilgan. Asar mazmuni oddiy va barchaga tushunarli: unda yaxshilik, doʻstlik, mehr, muhabbat va oʻzaro hurmat hukmron vaziyatda bir necha inson hayoti haqida hikoya qilinadi. Bu qahramonlarda biz oʻzimizni koʻramiz. Myuzikl ijodkorlarining fikriga koʻra ham, biz barchamiz Toshkent deb atalmish katta, ahil bir mahallada yashaymiz.

Myuzikldagi voqealar zamonaviy turar-joy majmuasi hovlisida kechadi.  Fuqarolar yigʻini raisi oʻz mahallasining Toshkentdagi eng zoʻr mahalla boʻlishi uchun chin dildan kurashadi. Bizga maʼlum poytaxt mahallasining hayoti haqidagi qissada yangilik roʻy beradi: mahalla ahli orasida bir necha yangi qahramonlar paydo boʻladi. Ular orasida bir qaraganda kutilmagan qahramon ham bor — taniqli gruzin va rus qoʻshiqchisi, aktyor Soso Pavliashvili!

Yalmogʻiz kampirning sehrli uyi - Sputnik Oʻzbekiston
Madaniyat
"Oʻzbekkino" ilk toʻliqmetrajli multfilmni suratga olmoqda
Myuzikl ijodkorlari uning ishtiroki haqidagi hamma tafsilotlarni sir tutmoqdalar: tomoshabin yangi qahramonga qanday rol berilgani, u nima haqda hikoya qilishi-yu, nima haqda kuylashi toʻgʻrisida faqat tomosha davomida bilib oladi. Bir narsagina aniq: yangi qahramon asarda oʻz ism-sharifi bilan ishtirok etadi va oʻzini talqin qiladi.
Mahallaning boshqa ahli: Asal Shodiyeva, Shadisha, Adiz Rajabov, Jasur Mirsogatov, Fotima Rejametova, Muhammadiso Abdulxairov, Kamila Zokirova, Akbar Atamuhamedov, Taxmina Boxodirxonova.

Myuziklda koʻpchilikka maʼlum musiqiy asarlar zamonaviy talqinda yangraydi. Sanʼatkorlar qoʻshiqlarni jonli ijroda, oʻzbek va rus tillarida kuylaydilar.

Xabarda aytilishicha myuziklga chiptalarni uydan, ishxonadan chiqmagan holda Click, Payme va UZCARD toʻlov xizmatlari orqali xarid qilish. Shuningdek, chiptani www.myticket.uz saytida buyurtma qilish mumkin.

"Chiptalar narxi 10 000 soʻmdan boshlanadi. Agar xarid qilingan chiptalar umumiy narxi 200 000 soʻmga yetsa va undan oshsa, chiptalar Toshkentning istalgan burchagiga bepul yetkazib beriladi. Oilangiz va doʻstlaringiz uchun chiptalarni 2 sentyabrga qadar imtiyozli narxlarda xarid qiling, bunga bir necha soniya vaqtingiz ketadi, xolos! 2 sentyabrdan chiptalar narxi 20%ga oshadi", — deyiladi xabarda.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala