TOShKENT, 4 agv — Sputnik. Hech o‘ylab ko‘rganmisiz, nima uchun Internet haqi turli davlatlarda har-xil baholanadi? "Aloqada bo‘l" internet-loyihasi analitiklariga shu savol tinchlik bermagani uchun, ular dunyoning YaIM hajmi eng katta bo‘lgan 100 mamlakatlarda simli Internet tariflari bo‘yicha tadqiqot o‘tkazdilar. Buning uchun har bir davlatning eng old ikki yetakchi-operatorlaridagi narxlar asos qilib olindi.
O‘tkazilgan tadqiqot natijalari esa O‘zbekiston Efiopiya, Angola, Myanma va Turkmaniston davlatlari bilan bir qatorda Internet eng qimmat bo‘lgan mamlakatlar beshligidan o‘rin olganini ko‘rsatdi.
"O‘zbekistonga to‘xtaladigan bo‘lsak, tadqiqotlar mobaynida ko‘rsatilgan narxlar, bizning nazarimizda birmuncha oshirilgan. Bir nechta provayderlar ma’lumotiga ko‘ra (Uzonline, TPS, Sarkor Telecom tarif rejalari tahlilda ko‘rib chiqilgan) o‘rtacha hisobda Internet narxi oyiga 80$ ni tashkil qiladi", — deb xabar qiladi analitiklar.
Loyiha mualliflari bu yerda muammo tezlikda ekanligini aytishgan.
Internet eng qimmat bo‘lgan mamlakat bu Efiopiyaligi ma’lum bo‘ldi — oyiga 198$. Ukraina esa Internet eng arzon mamlakat sifatida qayd etildi — oyiga 3,44$. Simli internet tekin bo‘lgan davlatlar ro‘yxatining 2 o‘rnini esa Rossiya egalladi(oyiga 5,55$).
Internet eng qimmat bo‘lgan mamlakatlar beshligiga Efiopiyadan tashqari Turkmaniston(169$), Angola (166$), Myanma(150$) va O‘zbekiston(144$) kiritildi.
