TOShKENT, 8 avg – Sputnik. Rio-de-Janeyrodagi olmpiadada Rossiya suzuvchilar jamoasiga kroll estafetasining final musobaqasi vaqtida tomoshabinlar hushtak chalib o‘z norozoligini bildirgan.
Rossiyalik suzuvchilar Andrey Grechin, Danila Izotov, Vladimir Morozov va Aleksandr Suxorukov musobaqaga chiqish vaqti tomoshabinlar hushtak chalib norozilik bildirishdi.
“Men oxirgi 15 metrda harakat qilishga qiynaldim. Bugun medal ololmaganimizdan afsusdaman. Bizga hushtak chalib norozilik bildirishlari – kutilgan voqea edi”, — dedi Rossiyalik suzuvchi Morozov jurnalistlarga.
Musobaqa natijasiga ko‘ra, AQSh jamoasi g‘olib bo‘lgan, Rossiya to‘rtinchi o‘rinni egallagan.
Eslatib o‘tamiz, Vladimir Morozov Olimpiadada qatnashish huquqini Sport arbitraj sudi, bir marta amalga oshirilgan qoidabuzarlik uchun ikki marta jazo berilmaslik huquqi asosida, Xalqaro Olimpiya qo‘mitasining qarorini bekor qilganidan keyin, qo‘lga kiritgan edi. Morozovning ismi sharifi Richard Maklaren boshchlik qilgan komissiya hisobotida ko‘rsatilgan edi.
