TOShKENT, 9 avg – Sputnik. Slovakiyaning Synecta kompaniyasi Toshkent viloyatida joylashgan Respublika Bolalar harakat-tayanch tizimi reabilitatsiya markaziga bepul jihozlaydi, deb xabar qilmoqda O‘zbekiston Sog‘liqni saqlash vazirligi matbuot xizmati.
“Hukumat qarori bilan markazni kengaytirish choralari ko‘rilgan. Slovakiyalik kompaniya uni jihozlashda bepul yordam beradi”, — deyilgan matbuot xizmati xabarida.
Vazirlik ma’lumotlariga ko‘ra, Slovakiya kompaniyasi 200 o‘ringa ega bo‘lgan davolash-diagnostika markaziga qiymati 7 mln dollar bo‘lgan kerakli tibbiyot texnikasini yetkizib beradi. Umumiy qiymati 20 mln bo‘lgan yangi korpus qurilishi loyihasi 2017-yilda yakunlash rejalashtirilgan.
Respublika Bolalar harakat-tayanch tizimi reabilitatsiya markazi 2009-yilda Respublika bolalar Poliomelit kasalxonasi asosida tashkil qilingan edi. 100 o‘ringa ega bo‘lgan ifoxona, bugungi kunda O‘zbekistonning barcha hududlaridan bolalarni qabul qilmoqda. Markazga har kuni mingga yaqin bolalar murojaat qiladi.
