Hodisalar

Toshkentda toʻrtta avtomobil ishtirokida dahshatli YTH yuz berdi

Afsuski, yirik YTH oqibatida yosh bolacha jabrlandi.

TOSHKENT, 11 avg — Sputnik. Toshkentning Yunusobod tumanida, kuni kecha kechki soat 18:30lar chamasida bir yoʻla toʻrtta avtomobil ishtirokida dahshatli avariya sodir boʻldi, deb xabar qilmoqda Sputnik Oʻzbekiston muxbiri.

Nexia, Mazda, Lacetti va Spark rusumidagi avtomobillar ishtirokidaavariya sodir etildi, deb xabar qildi muxbir. Fojia sababchisini aniqlashga kelganda, guvohlarning fikrlari bir joydan chiqmadi. Kimlardir avtohalokatning bosh sababchisi Lacetti avtomobili sohibi, deya taʼkidladi. Odamlarning fikricha aynan u juda katta tezlikda harakatlangan va boshqaruvni qoʻldan chiqargan.

© Facebook / Voditeli TashkentaToshkentning Yunusobod tumanidagi yirik YHT
Toshkentning Yunusobod tumanidagi yirik YHT - Sputnik Oʻzbekiston
Toshkentning Yunusobod tumanidagi yirik YHT

Boshqa guvohlarning fikricha esa Mazda avtomobili rulida boʻlgan qiz taʼqiqlangan manyovrlarning birini amalga oshirishga uringan — belgilanmagan joyda avtomobilni burmoqchi boʻlgan va bu bilan avariyani yuzaga keltirgan.

Yoʻl harakati havfsizligi boshqarmasi xodimlari roʻy bergan YTH borasida hech qanday izoh bermayaptilar. Shu bois, avariya yuzaga kelishi sababi hozircha nomaʼlum.

Afsuski, YTH oqibatida yosh bolacha jabrlangan.

"Nafaqat yigit (Lacetti haydovchisi) balki Spark mashinasida boʻlgan yosh bolacha ham jabrlandi. Goʻdak avtomobilning orqa oʻrindigʻida oʻtirgan edi, avariyadan keyin u butkul qonga belandi. Lacetti haydovchisi aybdor, u goʻyo shamolday tezlikda kelayotgan edi. Keyin bizni, yaʼni "Nexia" avtomobilimizni turtib oʻtdi va "Spark"ka borib urildi, keyin "Mazdaga…Tezlikni oshirishni bas qiling!!! Axir bundan faqatgina poygachi-haydovchilargina emas, balki boshqa odamlar ham jabr koʻrmoqda! Eng asosiysi — bolalar jabrlanmoqda!!! Axir u bolacha hali juda yosh edi!", — deb yozgan ijtimoiy tarmoqlarda avariyaga guvoh boʻlgan ayollardan biri.

Ijtimoiy tarmoq foydalanuvchilari Toshkent shahrida soʻnggi vaqtlarda YHTlar soni haddan ziyod ortib ketgani haqida taʼkidlaganlar. Faqagina soʻngi bir necha kun ichida avariyalar soni 10dan oshib ketdi, deb yozmoqda internet foydalanuvchilar.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala