Iqtisod

Elektr energiyasi isteʼmoli 35 % ga oshdi

© Sputnik / Georgiy Zelma / Fotobankka oʻtishGES
GES - Sputnik Oʻzbekiston
Elektr energiyasi isteʼmoli hajmi oshishi munosobati bilan “Oʻzbekenergo” elektr energiyasi ishlab chiqarish va qayta tiklanadigan energiya manbaalari sohalarini rivojlantirishga katta eʼtibor bermoqda.

TOSHKENT, 10 avg — Sputnik. Oxirgi 15 yil davomida Oʻzbekistonda elektr energiyasi isteʼmoli 35 % oshdi, deb xabar qildi Sputnik muxbiriga “Oʻzbekenergo” AJ vakili.

Bir oila tomonidan isteʼmol qilinadigan elektr energiyasi hajmi 2000 yilda 114 kVt/soatni tashkil qilgan boʻlsa, 2015 yilga kelib ushbu koʻrsatkich 160 kVt/soatga yetdi. Ustiga ustak 1990 yilda respublikadagi umumiy elektr isteʼmoli tarkibida aholi isteʼmoli 10,3 % ni tashkil qilgan boʻlsa, 2000 yilga kelib ushbu koʻrsatkich 13,9 % ni tashkil qildi, 2015 yilda esa – 25,2 %ga yetdi.  

“Aholi tomonidan elektr isteʼmoli hajmi oshayotganini biz har yili qayd qilmoqdamiz. Birinchidan bu aholi soni oʻsishi bilan bogʻliq. Ikkinchidan esa, aholining farovonligi oʻsishi ham sabab. Oilalarda koʻproq zamonaviy maishiy texnika paydo boʻlmoqda. Uzatilayotgan elektr quvvatining sifati boʻlsa, tarmoqlarni zamonaviylashtirish tufayli, barqarorlashmoqda. Ushbu omillarning barchasi birgalikda, isteʼmol qilinayotgan elektr quvvatining hajmini oshirdi”, — dedi suhbatdosh.

Ushbu munosobat bilan, ayni damda, “Oʻzbekenergo” energetika sohasini rivojlantirishga katta eʼtibor bermoqda. Mavjud boʻlgan generatsiya quvvatlarini yangilash, qayta tiklanadigan energiya manbaalardan foydalanish sohalarida bir qator innovatsion loyihalar amalga oshirilmoqda.

Shu bilan bir vaqtda, 2015-2019 yillarda respublikada yonilgʻidan samarali foydalanish va elektr uzatish tarmoqlarida yoʻqotishlarni kamaytirishga qaratilgan qator choralar tadbiq qilindi. Ushbu tadbirlar tufayli 2016 yilda 145,8 mln metr kub tabiiy gaz, 107,5 mln kVt/soat elektr energiyasi, 16,2 ming Gkal issiqlik energiyasi va 144,4 tonna neft mahsulotlari tejab qolindi.   

2016 yilning birinchi yarmida “Oʻzbekenergo” korxonalari 23 mlrd kVt/soat elektr energiyasi yetkizib berdi.

Kompaniya tomonidan ishlab chiqarilayotgan elektr energiyasi hajmi 55 mlrd kVt/soatdan oshdi. Undan 5,9 mlrd kVt/soati gidro elektr stantsiyalarida, 49,3 mlrd kVt/soati – issiqlik elektr stantsiyalarida ishlab chiqariladi. 1,2 mlrd kVt/soat elektr energiyasi “Oʻzbekenergo” tarkibiga kirmaydigan elektr stantsiyalarida ishlab chiqariladi.

 

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala