Rasmiy Kreml Turkiyaga Suriya bilan chegarani yopish talabini qo‘ydi

© Sputnik / Andrey Stenin / Mediabankka o‘tishSuriya-Turkiya chegarasidagi vaziyat
Suriya-Turkiya chegarasidagi vaziyat - Sputnik O‘zbekiston
Obuna bo‘lish
Turkiya ayni vaqtda Suriya bilan chegarani yopish masalasini ko‘rib chiqmoqda, deb xabar qilgan "Izvestiya" nashri.

TOShKENT, 12 avg — Sputnik. Rossiyalik diplomatlar va harbiylar Anqara rasmiylari bilan o‘tkazgan muzokaralarda Turkiya-Suriya chegarasini yopish talabini qo‘yganlar, deb xabar qilgan RIA Novosti AA "Izvestiya" nashriga ilova qilgan holda.

Rossiya prezidenti V. Putin va Turkiya rahbari T. Erdo‘g‘onning Sankt-Peterburg shahrida uchrashuvi - Sputnik O‘zbekiston
"Turk oqimi", charterlar va Suriya: Putin va Erdo‘g‘on uchrashuvining asl mohiyati
Avvalroq Rossiya va Turkiya har tomondan razvedka vakillari, harbiy va diplomatiya vakillaridan iborat uch tomonlama mexanizmni tashkil etishgani xabar qilingan edi.

"Biz terrorchilar va qurol-aslahalar oqimini to‘xtatish uchun, tabiiyki, Suriya-Turkiya chegarasini yopish masalasini ko‘tardik. Jangarilar shu tariqa chetdan "ozuqa" olishdan mahrum bo‘ladi", — deb ta’kidlagan Rossiya Davlat dumasi mudofaa qo‘mitasi rahbari o‘rinbosari Viktor Vodolaskiy.

Vodolaskiyga ko‘ra, bu masala Rossiya milliy xavfsizligiga bevosita bog‘liq.

"Biz o‘z navbatida qurol-yarog‘lar oldi-sotdisi va jangarilar harakati ro‘y berayotgan joylarning sputnik orqali olingan suratlarini Turkiya tomonga taqdim etishimiz mumkin", — deya qo‘shimcha qilgan deputat.

"Izvestiya" nashri esa Turkiya ayni vaqtda Suriya bilan chegarani yopish masalasini ko‘rib chiqayotgani haqida yozgan.

"Turkiyalik muzokarachilarda — xoh u diplomat bo‘lsin, xoh harbiy — manyovr uchun maydonga ega emas. Ularning o‘zlari ham aftidan, ayrim tortishuvli masalalarni tezroq hal etish tarafdori. Shu bois, bizning Suriya bilan chegarani yopish haqidagi talabimizni bajarishdan o‘zga choralari yo‘q", — deb aytmoqda Federatsiya kengashi xalqaro qo‘mitasi a’zosi Igor Morozov.

© Ministerstvo oboroni RF / Mediabankka o‘tish"ID" jangarilariga tegishli neft mahsulotlari ortilgan yuk mashinalari Turkiya-Suriya chegarasini kesib o‘tmoqda
ID jangarilariga tegishli neft mahsulotlari ortilgan yuk mashinalari Turkiya-Suriya chegarasini kesib o‘tmoqda - Sputnik O‘zbekiston
"ID" jangarilariga tegishli neft mahsulotlari ortilgan yuk mashinalari Turkiya-Suriya chegarasini kesib o‘tmoqda
Yangiliklar lentasi
0